اسلام آباد:(ویب ڈیسک) پاکستان مسلم لیگ (ن) کی مرکزی چیف آرگنائزر مریم نواز نے چیئرمین پاکستان تحریک انصاف عمران خان پر سخت تنقید کرتے ہوئے کہا ہے کہ کبھی تکبر اور رعونت کا پہاڑ ہوا کرتے تھے، آج عبرت کا نشان بنے بیٹھے ہو۔
ن لیگ کی مرکزی نائب صدر مریم نواز نے سماجی رابطوں کی ویب سائٹ ’ٹوئٹر‘ پر سابق وزیراعظم عمران خان کے بیان پر جاری کردہ اپنے ردعمل میں کہا ہے کہ یہ گرہیں جو تمھیں دانتوں سے کھولنی پڑ رہی ہیں تم نے خود لگائی تھیں۔
انہوں نے چیئرمین پی ٹی آئی کو مشورہ دیا کہ اللہ سے توبہ کرو ان مظالم کی جو تم بے گناہوں پپر کرتے رہے۔
مریم نواز نے عمران خان سے کہا کہ نواز شریف اور ہر اس شخص سے معافی مانگو جس پر تم نے جھوٹے الزام لگائے اور انہیں تکلیف پہنچائی۔
