اسلام آباد: (ویب ڈیسک)پاکستان کے کرکٹر عمر اکمل نے کہا ہے کہ میں ایک مرتبہ مایوس ہوا تھا لیکن فیملی نے کہا کہ آپ گرین شرٹ پہنیں گے ، اب اپنا پورا دن کرکٹ ٹریننگ میں گزارتا ہوں۔لاہور میں میڈیا سے گفتگو کرتے ہوئے عمر اکمل نے کہا کہ قومی کرکٹرز کے کیمپ میں کھلاڑی بہت محنت کر رہے ہیں ان کے لیے نیک خواہشات ہیں۔ انہوں نے کہا کہ گرم موسم میں کرکٹرز سو فیصد دے رہے ہیں، میں مسلسل ٹریننگ کر رہا ہوں، اکیڈمی میں کیمپ جاری ہے، اس لیے قادر اکیڈمی میں ٹریننگ کر رہا ہوں۔ عمر اکمل کا کہنا ہے کہ کرکٹ کے ساتھ فٹنس بہت ضروری ہے، اس پر فوکس ہے، لنکا پریمیئر لیگ میں مجھے لینا ان پر منحصر ہے اگر وہ منتخب کرتے ہیں تو سو فیصد دوں گا۔
