قومی احتساب بیورو (نیب) کی ٹیم پاکستان تحریک انصاف (پی ٹی آئی) کے چیئرمین عمران خان سے تفتیش کے بعد اڈیالہ جیل سے واپس روانہ ہوگئی۔
نیب ٹیم القادر ٹرسٹ کیس میں چئیرمین پی ٹی آئی سے تفتیش کرنے اڈیالہ جیل پہنچی تھی۔
نیب کی ٹیم 6 گھنٹے اڈیالہ جیل میں موجود رہی اور عمران خان سے تفتیش کے بعد نیب کی ٹیم اڈیالہ جیل سے واپس روانہ ہوگئی۔
نیب ٹیم میں ایڈیشنل ڈائریکٹر مستنصرامام اور محمد غفران شامل تھے۔
نیب ٹیم نے چیئرمین پی ٹی آئی عمران خان سے جیل کی کانفرنس روم میں تفتیش کی۔
احتساب عدالت نے سابق وزیراعظم عمران خان سے 2 روز تفتیش کی اجازت دے رکھی ہے۔
یاد رہے کہ نیب نے چیئرمین پی ٹی آئی سے تفتیش کے لئے جسمانی ریمانڈ حاصل کر رکھا یے اور جج محمد بشیرنے چیئرمین پی ٹی آئی کے جسمانی ریمانڈ میں 2 یوم کی توسیع کی تھی۔
گزشتہ روز اسلام آباد کی احتساب عدالت کے جج محمد بشیر نے اڈیالہ جیل میں 190 ملین پاؤنڈ کیس کی سماعت کی، بشریٰ بی بی، نیب ٹیم میں مظفر عباسی، عرفان اللہ، عمر ندیم، محسن ہارون، آصف منیر، وقار الحسن اور بیرسٹر اویس ارشاد عدالت میں پیش ہوئے
نیب کی جانب سے چیئرمین پی ٹی آئی عمران خان کے 10 روز کے جسمانی ریمانڈ کی استدعا کی گئی۔
عدالت نے بشریٰ بی بی کی 190ملین پاؤنڈ اسکینڈل اور توشہ خانہ کیسز میں عبوری ضمانت میں 8 روز کی توسیع کر دی۔ جب کہ عمران خان کا دو روزہ جسمانی ریمانڈ منظور کرتے ہوئے نیب کے حوالے کردیا۔
