اسلام آباد: (ویب ڈیسک) متحدہ قومی موومنٹ (ایم کیو ایم) کے حکومتی اتحاد پی ڈی ایم چھوڑنے کے خدشات کے بعد آصف علی زرداری اور مولانا فضل الرحمان نے خالد مقبول صدیقی سے رابطہ کیا ہے۔
ذرائع کے مطابق ٹیلی فونک رابطے میں دونوں رہنماؤں نے مختلف معاملات پر گفتگو کی، سابق صدر آصف علی زرداری کی جانب سے خالد مقبول صدیقی کو یقین دہانیاں کرائی گئیں۔
ذرائع کا کہنا ہے کہ سابق صدر آصف علی زرداری نے مل بیٹھ کر تمام مسائل حل کرنے کی پیشکش کی ہے۔
اس کے علاوہ پی ڈی ایم کے سربراہ مولانا فضل الرحمان نے بھی خالد مقبول صدیقی سے ٹیلیفونک رابطہ کرتے ہوئے بلدیاتی انتخابات سے متعلق گفتگو کی۔
ذرائع کے مطابق مولانا فضل الرحمان نے خالد مقبول صدیقی کو صبر سے کام لینے کا مشورہ دیا ہے۔
ذرائع کا کہنا ہے کہ وزیراعظم اور خالد مقبول کے درمیان جلد رابطہ متوقع ہے۔
واضح رہے کہ ایم کیو ایم پاکستان کی رابطہ کمیٹی نے اپنے ارکان قومی اسمبلی سے استعفے طلب کرلیے ہیں۔
بہادرآباد میں ہونے والے رابطہ کمیٹی کے اجلاس میں ایم کیو ایم نے وفاقی کابینہ اور حکومت سے علیحدگی اور دیگر آپشنز پر غور کیا گیا۔
ایم کیو ایم رہنما خواجہ اظہار الحسن کا کہنا ہے کہ رابطہ کمیٹی کے بعض ارکان کی رائے ہے15 جنوری کو بلدیاتی الیکشن ہو تو حکومت سے علیحدہ ہوجائیں، حتمی فیصلہ کل ایم کیوایم کے جنرل ورکرز اجلاس میں ہوگا۔

اسلام آباد: (ویب ڈیسک) ملک میں مسلسل بدلتی سیاسی صورت حال کے پیش نظر پاکستان مسلم لیگ (ن) کے قائد اور سابق وزیر اعظم نواز شریف کا اسی ماہ پاکستان واپس آنے کا امکان ہے۔
ذرائع مسلم لیگ (ن) کے مطابق مریم نواز اور سابق وزیر اعلیٰ پنجاب حمزہ شہباز کا بھی نواز شریف کے ہمراہ اسی ماہ ملک واپس آنے کا امکان ہے۔
ذرائع کا مزید کہنا ہے کہ سابق وزیر اعظم نواز شریف، مریم نواز اور حمزہ شہباز پاکستان واپس آ کر انتخابی مہم میں بھرپور حصہ لیں گے۔

کراچی: (ویب ڈیسک) شہر اقتدار کا سیاسی درجہ حرارت مزید گرم ہو گیا، بلدیاتی انتخابات کے انعقاد کے معاملے پر ناراض ایم کیو ایم رہنما خالد مقبول صدیقی نے وفاقی وزراء سے استعفی لے لیے۔
ذرائع کے مطابق ایم کیو اہم کی سینئر قیادت نے آج رات ہی اہم ہنگامی اجلاس طلب کر لیا جو کچھ ہی دیر بعد شروع ہو جائے گا، کہا جا رہا ہے کہ آج رات ہی ایم کیوایم وفاقی حکومت میں رہنے یا نا رہنے کا فیصلہ کر لے گی کیونکہ وفاقی وزراء اور ارکان اسمبلی نے اپنے استعفی جمع کرا دیئے ہیں۔
ایم کیو ایم پاکستان کے ہنگامی اجلاس میں شرکت کیلئے بیشتر رابطہ کمیٹی ارکان بہادر آباد مرکز پہنچ گئے، تمام ارکان کی شرکت مکمل ہوتے ہی اجلاس شروع ہوجائے گا۔
واضح رہے کہ ایم کیو ایم نے بلدیاتی الیکشن میں حلقہ بندیوں بارے اپنے تحفظات کا اظہار کرتے ہوئے الیکشن ملتوی کرنے کا مطالبہ کیا تھا لیکن الیکشن کمیشن کی جانب سے مطالبہ مسترد ہونے کے بعد ایم کیو ایم قیادت کی جانب سے وفاقی حکومت سے علیحدگی کا امکان ظاہر کیا جا رہا ہے۔

اسلام آباد: (ویب ڈیسک) وزیر خارجہ بلاول بھٹو زرداری نے کہا ہے کہ عمران خان نے ساری زندگی بھیک مانگتے ہوئے گزاری، شوکت ترین پاکستان کو ڈیفالٹ کرانا چاہتے تھے۔
چیئرمین پاکستان پیپلزپارٹی بلاول بھٹو نے نجی ٹی وی کو انٹرویو دیتے ہوئے کہا کہ سیلاب نے پاکستان میں بڑے پیمانے پر تباہی مچائی، پاکستان کے جی ڈی پی کا 10 فیصد سیلاب میں برباد ہو گیا۔
انہوں نے کہا کہ سیلاب سے ملک کا ایک تہائی حصہ ڈوبا ہوا تھا، پاکستان اکیلا سیلاب متاثرین کی بحالی نہیں کر سکتا، ہمدرد اور دوست ممالک نے پاکستان کا بھرپور ساتھ دیا۔
بلاول بھٹو نے کہا کہ جنیوا کانفرنس میں 9 ارب ڈالر ملنا کوئی مذاق نہیں ہے، سفارتکاری کی کامیابی ہے، جنیوا کانفرنس پاکستان کیلئے بہت اہم اور کامیاب رہی، پاکستان کے آئسولیٹ ہونے کا بیانیہ دفن ہو گیا۔
وزیرخارجہ بلاول بھٹو نے کہا کہ ایک ہوتا ہے سیاسی انٹرسٹ اور ایک ہوتا ہے نیشنل انٹرسٹ، عمران خان نے ہمیشہ اپنے ذاتی مفاد کو ترجیح دی۔

کراچی: (ویب ڈیسک) سیاسی جماعتوں کی لڑائی میں الیکشن کمیشن نے کام جاری رکھتے ہوئے بلدیاتی الیکشن کے دوسرے مرحلہ کیلئے سامان کی ترسیل شروع کر دی۔
ڈپٹی کمشنر آفس ایسٹ کے باہر ٹرک میں سامان لایا جانے لگا، سامان کی ترسیل کے موقع پر پولیس کی بھاری نفری موجود ہے۔
کراچی:سیاسی جماعتیں لڑتی رہیں ، الیکشن کمیشن نے کام جاری رکھا ہوا ہے کراچی:بلدیاتی الیکشن کیلئے سامان کی ترسیل کا کام شروع کردیا گیا۔

اسلام آباد: (ویب ڈیسک) ارشد شریف قتل کیس میں کینیا نے سپیشل جے آئی ٹی کی معاونت کے لیے باہمی قانونی مدد کی حکومت پاکستان کی درخواست کا مثبت جواب دیا ہے۔
وزارت خارجہ نے کینیا میں سپیشل جے آئی ٹی کی معاونت کے تمام انتظامات مکمل کر لئے ہیں، سپیشل جے آئی ٹی کل روانہ ہو گی اور ارشد شریف قتل کیس کے حوالے سے شواہد جمع کرے گی۔
سپیشل جے آئی ٹی وقوعہ کے متعلق مختلف لوگوں سے تفتیش کرے گی، کینیا حکومت نے سپیشل جے آئی ٹی کو مدد فراہم کرنے کی یقین دہانی کرائی ہے۔

پشاور: (ویب ڈیسک) خیبرپختونخوا میں حکومت نے بیوروکریسی میں بڑے پیمانے پر اکھاڑ پچھاڑ شروع کر دیا ہے جس کے تحت 7 سیکرٹریز اور کمشنرز کو تبدیل کیا گیا ہے۔
سیکرٹری انڈسٹری ثاقب رضا کو کمشنر ملاکنڈ دویژن تعینات جبکہ کمشنر مالاکنڈ شوکت علی یوسفزئی کو کمشنر ہزارہ ڈویژن مقرر کر دیا گیا ہے۔
مطاہر زیب سیکرٹری آبپاشی، عامر لطیف سیکرٹری معدنیات، ہمایون خان سیکرٹری ٹرانسپورٹ تعنیات جبکہ محمد ایاز کو سیکرٹری خزانہ مقرر کیا گیا ہے۔
علاوہ ازیں صوبہ بھر کے مختلف اضلاع میں 10 اسسٹنٹ کمشنرز کو بھی تبدیل کر دیا گیا ہے۔