کیوٹو: (ویب ڈیسک) ایکواڈور کا شہری اہلیہ سے علیحدگی کے بعد بیٹیوں کی تحویل کیلئے اپنی جنس تبدیل کروا کے عورت بن گیا۔
غیر ملکی میڈیا کے مطابق بچوں کی خاطر مرد سے عورت بننے کا حیران کن واقعہ جنوبی امریکی ملک ایکواڈور میں پیش آیا جہاں رینی سلیناس راموس نامی شخص نے اپنی بیٹیوں کی تحویل کیلئے اپنی جنس تبدیل کروا لی۔
شہری کی سابقہ اہلیہ سے دو بیٹیاں ہیں جن کی تحویل کیلئے وہ عدالتوں کے چکر لگا رہا ہے، مگر ایکواڈور کا قانون بچوں کی تحویل کے معاملے پر باپ کے مقابلے میں ماں کو ترجیح دیتا ہے، اسی لیے رینی سلیناس نے اپنی مرد سے عورت بننے کا مشکل فیصلہ کیا۔
اس حوالے سے ایکواڈور کے شہری رینی سلیناس کا کہنا ہے کہ یہ صرف اپنی بیٹیوں سے محبت کا امتحان ہے۔
انہوں نے کہا کہ جن حالات سے میں گزر رہا ہوں انہیں حالات سے دیگر کئی باپ بھی گزر چکے ہوں گے یا گزر رہے ہوں گے، میں ان میں بھی اس حوالے شعور بیدار ہونے کی امید کرتا ہوں۔

ٹوکیو: (ویب ڈیسک) جاپان کی ایک کمپنی کو خیال آیا کہ کیوں نہ جدید اسٹائل کے تحت مریضوں کے گاؤن اور یونیفارم ڈیزائن کئے ہیں جو تیزی سے مقبول ہورہے ہیں۔
اگرچہ ہسپتال اور فیشن کا باہمی جوڑ مشکل دکھائی دیتا ہے۔ لیکن جاپان کی لفٹے کمپنی کا دعویٰ ہے کہ انہوں نے مریضوں کے لیے جو آرام دہ لباس بنایا ہے وہ ان کےتناؤ میں کمی کرسکتا ہے۔ کمپنی کے مطابق اگرچہ خرابی صحت ایک مسئلہ ہے لیکن کوئی وجہ نہیں کہ اس میں بہتر لباس سےانکار کردیا جائے۔
لفٹے کےمطابق ایک جانب تو ان کے لباس دیکھنے میں بھلے لگتے ہیں اور وہ اتنے آرام دہ ہیں کہ مریض انہیں طویل عرصے تک پہن سکتے ہیں۔ ہسپتال کے لباس کے بارے میں عام تاثر ہوتا ہے کہ وہ ہرمریض کو درست نہیں آتے۔ اگرچہ لفٹے کا گاؤن فٹ نہ بھی ہو تب بھی وہ پہننے میں بری نہیں لگتی۔
اگرچہ ہسپتالوں میں مریضوں کے کپڑوں کو بار بار دھویا جاتا ہے اور اسی لیے لفٹے کے مریضوں کے لباس 80 مرتبہ دھلنے کے بعد بھی اپنا رنگ اور کپڑے کا معیار برقرار رکھتےہیں۔ اسی طرح نہانے اور عام پہننے کے دوطرح کے لباس ہیں جو ہلکے گلابی، مدھم نیلے، بھورے اور ہلکے سرخ رنگوں میں بنائے گئے ہیں۔
لیکن گاؤن کو ہر طرح سے فیشن کے لحاظ سے بنایا گیا ہے۔