بھارتی ریاست اڑیسہ کے ضلع کندھمال میں ہوئے عیسائیوں کے قتلِ عام کو 16 سال مکمل ہوچکے ہیں۔ 24 دسمبر2007 کو کندھمال میں کرسمس تقریبات کے دوران انتہا پسند ہندوؤں نے عیسائیوں کا قتلِ عام کیا تھا۔

اس المناک واقعے کو 16 سال گزر چکے ہیں، اس کے باوجود متاثرہ عیسائی خاندان نام نہاد بھارتی انصاف کے منتظر ہیں۔

انڈیا ٹوڈے کے مطابق اس قتلِ عام کے نتیجے میں 500 عیسائی ہلاک اور 1800 سے زائد زخمی ہوئے تھے، کندھمال فسادات میں 400 گرجا گھروں اور 4 ہزار مکانات کو تباہ کیا گیا تھا۔

الجزیرہ کے مطابق ان فسادات میں ساڑھے 6 ہزار سے زائد گھروں کو لوٹا گیا تھا جبکہ 75 ہزار سے زائد لوگ بے گھر ہوئے تھے۔

ہندوستان میں رواں سال عیسائیوں کے خلاف 400 حملے ریکارڈ کیے گئے ہیں، ریاست اُتر پردیش عیسائیوں کے خلاف 155 پُر تشدد واقعات کے ساتھ سرِ فہرست ہے۔

سال 2022 میں منی پور فسادات میں 150عیسائی جاں بحق ہوئے تھے جبکہ 400 گرجا گھروں کو جلایا جا چکا ہے۔

ایونجیلکل فیلو شپ آف انڈیا کا کہنا ہے کہ 2014 میں بی جے پی کی حکومت میں آنے کے بعد عیسائی برادری کے خلاف نفرت انگیز جرائم دُگنے ہو گئے ہیں۔

یونائیٹڈ کرسچین فورم کے مطابق 2014 سے 2022 تک ہندوستان میں عیسائی برادری کے خلاف 2700 سے زائد پر تشدد واقعات رپورٹ ہوئے۔

بھارت کے قومی اقلیتی کمشین کا کہنا ہے کہ بی جے پی کے پہلے دورِ حکومت میں 1998 سے 2004 تک عیسائی برادری کے خلاف 1000 سے زائد پرتشدد واقعات رپورٹ ہوئے۔

ہندوستان میں 2008 میں اڑیسہ میں عیسائی برادری کے 600 سے زائد دیہات اور 400 چرچوں کو نذرِ آتش کر دیا گیا۔ 1998 میں مودی کے زیر سایہ گجرات میں 10 دن تک جاری رہنے والے قتلِ عام میں 25 عیسائی گاؤں جلا دیے گئے۔

نیشنل کرائم ریکارڈ بیورو کے مطابق بھارت میں اوسطاً ہر 12 منٹ بعد ہندوستان میں عیسائیوں کے خلاف تشدد کا واقعہ پیش آتا ہے۔

ٹی آر ٹی کا کہنا ہے کہ بی جے پی مذہب تبدیلی قانون کی آڑ میں عیسائیوں کو دانستہ نشانہ بنا رہی ہے۔

اوپن ڈورز آرگنائزیشن کے مطابق عیسائیوں کے خلاف تشدد میں بھارت 2014 میں 28ویں نمبر سے 2022 میں 10ویں نمبر پر آچکا ہے۔

اکنامک ٹائمز کے مطابق وشوا ہندو پرشاد، بجرنگ دَل اور راشٹریا سوائم سیوک سنگھ عیسائیوں کے خلاف پُرتشدد واقعات میں پیش پیش ہیں۔

انتہا پسند سیاسی جماعت بھارتیہ جنتا پارٹی (بی کے پی) کے سربراہ نریندرا مودی کے اقتدار میں آنے کے بعد ہندوستان میں اقلیتوں کے خلاف تشدد میں شدید اضافہ ہوا ہے۔

جموں و کشمیر پر قابض بھارتی انتظامیہ نے ہفتہ کو مبینہ طور پر فوجی کیمپ میں دوران حراست تین شہریوں کی ہلاکت کے بعد ہزیمت سے بچنے کیلئے مقتولین کے لواحقین کو معاوضہ اور نوکریاں دینے کا اعلان کیا ہے۔

مقتولین کے اہل خانہ اور مقبوضہ وادی کی سیاسی جماعتوں نے الزام لگایا کہ انہیں 48 آر آر رجمنٹ کے فوجی کیمپ کے اندر مارا گیا۔

مقبوضہ جموں و کشمیر انتظامیہ کے محکمہ اطلاعات اور تعلقات عامہ کی طرف سے ”ایکس“ پر جاری ایک بیان میں کہا گیا کہ ’پونچھ ضلع کے بفلیاز علاقے میں تین شہریوں کی موت کی اطلاع ملی۔ میڈیکل کی قانونی کارروائی کی گئی اور اس معاملے میں متعلقہ اتھارٹی کی طرف سے قانونی کارروائی شروع کر دی گئی ہے۔ حکومت نے ہر مرنے والوں کے لیے معاوضے کا اعلان کیا ہے۔ مزید یہ کہ حکومت نے ہر مرنے والے کے لواحقین کے لیے ہمدردانہ تقرریوں کا بھی اعلان کیا ہے‘۔

تینوں افراد کی لاشوں کو ہفتہ کی دوپہر جموں کے ڈویژنل کمشنر رمیش کمار جنگڈ، پونچھ کے ڈپٹی مجسٹریٹ چودھری محمد یاسین، سینئر سپرنٹنڈنٹ آف پولیس (ایس ایس پی) ونے کمار اور دیگر حکام کی موجودگی میں ان کے آبائی گاؤں ٹوپا پیر میں دفنایا گیا۔

مقتولین کی شناخت 44 سالہ محفوظ حسین ولد میر حسین، 22 سالہ شوکت علی ولد نذیر حسین اور 32 سالہ شبیر حسین ولد ولی محمد ساکن ٹوپہ پیر کے نام سے ہوئی ہے۔

ہفتہ کی صبح تقریباً 8 بجے تینوں افراد کی لاشیں فوجی کیمپ کے اندر ہی پوسٹ مارٹم کے بعد ان کے اہل خانہ کے حوالے کر دی گئیں۔

مقتولین میں سے ایک شوکت علی کے 45 سالہ چچا پنچ محمد صادق نے بتایا کہ ہلاک ہونے والے غریب لوگ تھے اور ان کا جمعرات کے گھات لگا کر کیے گئے حملے یا دہشت گردی سے کوئی تعلق نہیں تھا۔

انہوں نے کہا کہ فوج نے جمعہ کو صبح ساڑھے نو بجے گاؤں سے نو افراد کو اس وقت اٹھایا جب وہ اپنے گھروں میں صبح کی چائے پی رہے تھے۔

انہوں نے دعویٰ کیا کہ حراست میں لیے گئے افراد کو پہلے مال پوسٹ پر لے جایا گیا جہاں ان پر تشدد کیا گیا اور پھر بفلیاز پوسٹ پر منتقل کر دیا گیا۔

محمد صادق نے کہا کہ ’اس کے بعد آج (ہفتہ) صبح 8 بجے لاشیں ہمارے حوالے کی گئیں۔ ہم آج ان کو دفنانے جا رہے ہیں لیکن ہم انصاف کا مطالبہ کرتے ہیں۔ ہم فوج سے بھی کہتے ہیں کہ وہ ہمیں دہشت گردی کی کسی بھی سرگرمی میں ملوث ہونے کے ثبوت فراہم کرے‘۔

انہوں نے دعویٰ کیا کہ متوفی کے جسم پر زخموں کے نشانات ہیں۔

انہوں نے کہا کہ ’ان پر تیزاب اور مرچ پاؤڈر ڈالا گیا۔ انہیں پانی سے بھرے ٹینکوں میں بجلی کے جھٹکے دیے گئے۔ انہیں ہر تھرڈ ڈگری ٹارچر دیا گیا۔ میں نے تشدد کی دو ویڈیوز ڈپٹی مجسٹریٹ کے ساتھ شیئر کی ہیں‘۔

بھارتی فوج کے ایڈیشنل ڈائریکٹوریٹ جنرل آف پبلک انفارمیشن نے بعد میں ایکس پر ایک پوسٹ میں کہا، ’پونچھ کے راجوڑی سیکٹر کے بافلیاز علاقے میں 21 تا 23دسمبر تک جاری رہنے والی دہشت گردی کے واقعے کے بعد علاقے میں سیکیورٹی فورسز کی جانب سے سرچ آپریشن جاری ہے۔ علاقے میں تین شہریوں کی ہلاکت کی اطلاعات موصول ہوئی ہیں۔ معاملہ زیر تفتیش ہے۔ ہندوستانی فوج تحقیقات کے انعقاد میں مکمل تعاون اور تعاون فراہم کرنے کے لیے پرعزم ہے‘۔

بھارتی خبر رساں ایجنسی پی ٹی آئی کے مطابق، جموں و کشمیر میں کئی جماعتوں نے ہفتہ کو احتجاجی مظاہرے کیے اور تینوں شہریوں کی ہلاکت کی غیر جانبدارانہ تحقیقات کا مطالبہ کیا۔

پی ٹی آئی کے مطابق پیپلز ڈیموکریٹک پارٹی (پی ڈی پی) کی صدر محبوبہ مفتی نے ہفتہ کو سری نگر میں پارٹی ہیڈکوارٹر میں ایک پریس کانفرنس میں کہا کہ ’پونچھ واقعہ کے بعد، ٹوپا پیر گاؤں سے پوچھ گچھ کے لیے فوج نے 15 لوگوں کو اٹھایا، جن میں سے تین کی لاشیں انکاؤنٹر کے مقام کے قریب سے ملی ہیں۔ بقیہ 12 افراد مختلف اسپتالوں میں داخل ہیں اور ان کی حالت نازک ہے‘۔

انہوں نے کہا کہ ’میں نے ایک ویڈیو بھی دیکھی جس میں دکھایا گیا ہے کہ فوجی لوگوں کو مارتے ہوئے اور ان کے زخموں پر لال مرچ کا پاؤڈر چھڑکتے ہیں۔ یہ ایک دل دہلا دینے والی ویڈیو ہے، تاہم، میں اس کی صداقت کے بارے میں نہیں جانتی‘۔

انہوں نے لیفٹیننٹ گورنر (ایل جی) منوج سنہا سے مطالبہ کیا کہ وہ اس واقعے کی تحقیقات شروع کریں اور اہل خانہ کو معاوضہ فراہم کریں۔

اسرائیل نے مصری سرحد پر قبضے کی تیاری کرلی۔ قدس نیٹ ورک نے باخبر ذرائع کے حوالے سے بتایا ہے کہ اسرائیل نے اس سلسلے میں مصر کے حکام کو مطلع کردیا ہے۔ قاہرہ کو ہدایت کی گئی ہے کہ علاقے سے فوج نکال لے۔

ذرائع کا یہ بھی کہنا ہے کہ اسرائیلئ فوج نے مصر سے یہ بھی کہا ہے کہ سرحد پر قبضے کے دوران جو کچھ بھی ہوگا اس کے لیے وہ ذمہ دار نہیں ہوگی۔

غزہ کی بگڑتی ہوئی صورتِ حال کے پیش نظر اسرائیل نے مصری سرحد پر قبضہ کرکے اسے مکمل طور پر بند کرنے کا فیصلہ کیا ہے۔ اسرائیل نے خبردار کیا ہے کہ مصر کو منظور ہو یا نہ ہو، یہ عمل جاری رہے گا اور احتیاطی تدابیر اختیار نہ کرنے پر نتائج کا وہ خود ذمہ دار ہوگا۔

غزہ پر مکمل قبضے کی کوشش میں اسرائیلی فوج نے اس علاقے سے ملنے والے داخلی و خارجی راستے بند کردیئے ہیں۔ صہیونی فوج کی کوشش ہے کہ غزہ میں حماس کے مزاحمت کاروں کو کہیں سے بھی کمک نہ مل سکے۔

پاکستانیوں کیلئے نیا سہولتی ویزا نظام متعارف کرانے کے بعد ترکیہ نے سعودی عرب سمیت چھ ممالک کے شہریوں کو ویزا سے استثنا دینے کا اعلان کیا ہے۔

ترک صدر رجب طیب اردوان نے جمعہ کو ایک فیصلہ جاری کرتے ہوئے سعودی عرب، امریکہ، کینیڈا، بحرین، متحدہ عرب امارات اور عمان کے عام پاسپورٹ کے حامل شہریوں کو ویزا سے استثنا دیا ہے۔

ترک صدر کے فیصلے کے مطابق ویزا سے استثنا کی یہ سہولت سیاحت کے مقاصد کے لیے ترکیہ آںے والوں کیلئے ہے۔

اخبار کے مطابق یہ نیا ویزا فری نظام ان ممالک کے شہریوں کو 90 دن تک ترکیہ میں بنا ویزا کے گھومنے کی اجازت دے گا۔