کم جونگ کی نئی مرسڈیز: پابندی کے باوجود 4 ماہ میں 5 گاڑیاں اسمگل

شمالی کوریا کے سپریم لیڈر کم جونگ اُن نے اپنے ذاتی استعمال کے لیے ایسی گاڑیاں لی ہیں، جنہیں ان کے ملک میں برآمد کرنے پر پابندی ہے۔

میڈیا رپورٹ کے مطابق کم جون 3 اور4 دسمبر کو پیانگ یانگ میں منعقدہ ’فرسٹ نیشنل کانفرنس فارمدرز‘ کے دوران ایک نجی گاڑی میں پہنچے۔

جنوبی کوریا کی میڈیا رپورٹ کے مطابق کار کے ٹیل گیٹ پر ”Maybach“ اوراس کے ٹرنک پر ”S650“ نمبر موجود ہے، نئی جرمن مرسڈیز ”مے بیچ“ 2019 میں متعارف کروائی تھی۔

کم جونگ جو گزشتہ سال ستمبر میں ٹرین میں بیٹھ کر روس کے دورے پر پہنچے تھے۔ انہوں نے ہمراہ لے جانے والی سابقہ کار کو اس جرمن کار سے تبدیل کیا ہے۔

 

 تصویر — این کے نیوز

 

مرسیڈیز ”مے بیچ“ ایس 650 بہترین کاروں میں سے ایک ہے، جس کی قیمت کروڑوں ہے، یہ ایک لگژری کار ہے جو اقوام متحدہ کی سلامتی کونسل کی شمالی کوریا کو برآمدات پر پابندی کے زمرے میں آتی ہے۔

نیویارک ٹائمز نے 2019 میں شمالی کوریا جانے والی مرسڈیز بینز کاروں کا پتہ لگایا ہے، جس سے یہ معلوم ہوتا ہے کہ انہیں 4 ماہ کے عرصے میں 5 ممالک کے ذریعے اسمگل کیا گیا تھا۔

واضح رہے کہ امریکا اور دیگر ممالک سمندر میں باقاعدہ طور پر اقوام متحدہ کی سلامتی کونسل کی پابندیوں کے تحت شمالی کوریا کو کارگو کی ترسیل کی نگرانی کرتے ہیں۔

غیر شرعی نکاح کیس: بشریٰ بی بی کی حاضری سے استثنیٰ کی درخواست منظور

غیر شرعی کیس میں عمران خان کی اہلیہ بشریٰ بی بی کی حاضری سے استثنیٰ کی درخواست منظور کرلی۔

ڈسٹرکٹ اینڈ سیشن کورٹس اسلام آباد کے سینیئر سول جج قدرت اللہ نے بانی پی ٹی آئی اور بشریٰ بی بی کے خلاف غیر شرعی نکاح کیس کی سماعت کی۔

شکایت کنندہ خاور مانیکا کے وکیل رضوان عباسی عدالت میں پیش ہوئے اور کہا کہ ہمارے پاس اس کیس میں چار گواہان ہیں، چاروں گواہان کے بیانات ایک ہی دن میں ریکارڈ کروا سکتے ہیں، لہٰذا گواہ پیش کرنے کے حوالے سے ہمیں تاریخ دی جائے۔

جج قدرت اللہ نے ریمارکس دیئے کہ اس حوالے سے دیکھ لیتے ہیں۔

دوران سماعت سابق چیئرمین پی ٹی آئی کی جانب سے سلمان اکرم راجہ جب کہ بشریٰ بی بی کی جانب سے وکیل عثمان ریاض گل نے وکالت نامہ جمع کرادیا۔

عدالت نے بشریٰ بی بی کی حاضری سے استثنیٰ کی درخواست منظورکرتے ہوئے کیس کی سماعت 18 دسمبر تک ملتوی کردی۔

افغان شہریوں کو ویزے کے بغیر پاکستان داخل نہیں ہونے دیا جائے گا، دفترخارجہ

ترجمان دفترخارجہ ممتاز زہرا بلوچ کا کہنا ہے کہ افغان شہریوں کو ویزے کے بغیر پاکستان داخل نہیں ہونے دیا جائے گا، افغانستان کالعدم ٹی ٹی پی کےخلاف کارروائی کرکےملوث کرداروں کوحوالے کرے۔

اپنی ہفتہ وار بریفنگ دیتے ہوئے ترجمان دفتر خارجہ ممتاز زہرا بلوچ کا کہنا تھا کہ آرمی چیف کے دورہ امریکا سے قبل دفترخارجہ سے مشاورت ہوئی، اور دفترخارجہ نے آئی ایس پی آر، دفاعی حکام سے مل کر مشاورت کی، ایسے دوروں سے قبل دفترخارجہ سے مشاورت کی جاتی ہے۔

ترجمان دفتر خارجہ کا کہنا تھا کہ بھارت جاسوسی اور دہشت گردی میں ملوث ہے، بھارت کی کارروائیاں اب پاکستان کےعلاوہ دنیا بھر میں پھیل گئی ہیں۔

ترجمان نے کہا کہ پاکستان نے افغانستان کیلئے یکم نومبر کو ون ڈاکومنٹ پالیسی متعارف کروائی ہے، اب افغان شہریوں کو ویزے کے بغیر پاکستان میں داخل نہیں ہونے دیا جائے گا، وفاقی کابینہ نے ون ڈاکومنٹ کی پالیسی کی منظوری دی ہے۔

ترجمان دفترخارجہ نے بتایا کہ پاکستان نے ڈی آئی خان حملے کے ثبوت افغان حکام کے حوالے کئے ہیں، افغانستان نے ڈی آئی خان حملے کی تحقیقات کی یقین دہانی کرائی ہے، افغانستان کالعدم ٹی ٹی پی کے خلاف کارروائی کرکے ملوث کرداروں کو حوالے کرے۔

ممتاز زہرا بلوچ کا کہنا تھا کہ پاکستان مقبوضہ کشمیرمیں بھارتی غیرقانون اقدامات پرعالمی برادری کی توجہ مبذول کراتا رہا ہے، چین اور ترکیہ نے بھارتی سپریم کورٹ کے فیصلوں پر تحفظات کا اظہار کیا ہے۔

ترجمان نے بتایا کہ نگراں وزیراعظم انوارالحق آج آزاد جموں وکشمیرکا دورہ کریں گے، اور آزاد جموں کشمیر کی قانون ساز اسمبلی سے خطاب کریں گے، اور بھارتی سپریم کورٹ کے فیصلے کےخلاف کشمیریوں سے اظہار یکجہتی کریں گے۔

ترجمان نے کہا کہ بھارتی سپریم کورٹ کے فیصلےنے کشمیریوں کے حق خودارادیت کو نظرانداز کیا، پاکستان کشمیریوں کے ساتھ ہر قسم کا تعاون جاری رکھے گا، بھارت عالمی برادری کی توجہ جموں وکشمیر سے نہیں ہٹا سکتا۔

ممتاز زہرا بلوچ نے کہا کہ کالعدم ٹی ٹی پی کے ساتھ مذاکرات کی رپورٹس کو سختی سے مسترد کرتے ہیں، اس طرح کے کوئی مذاکرات کہیں نہیں ہورہے۔

برطانیہ کے ایک مشہور اخبار ’ایسٹرن آئی‘ نے اداکار وہاج علی کو ’نمبر ون پاکستانی اسٹار‘ قرار دیدیا

ڈراما سیریل “تیرے بن” سے شہرت کی بلندیوں پر پہنچنے والے معروف اداکار وہاج علی رواں سال کی ایشیاء کی 10 مقبول ترین شوبز شخصیات کی فہرست میں شامل ہوگئے۔

خبررساں ادارے کے مطابق برطانیہ کے ایک مشہور اخبار ’ایسٹرن آئی‘ نے معروف اداکار وہاج علی کو ’نمبر ون پاکستانی اسٹار‘ قرار دے دیا اور اس کے ساتھ ہی برطانوی اخبار نے 2023ء کی’ٹاپ 50 ایشین سیلیبریٹیز‘ کی فہرست بھی جاری کردی ہے۔

’ایسٹرن آئی‘ کی جانب سے جاری کی گئی فہرست میں ایشیاء کی اُن شوبز شخصیات کے نام شامل کیے گئے ہیں جنہوں نے 2023 میں فلم، ٹی وی، سوشل میڈیا، موسیقی اور ادب سمیت مختلف شعبوں میں شاندار کارکردگی کا مظاہرہ کرکے مقبولیت حاصل کی ہے۔

فہرست کے مطابق پاکستانی اداکار وہاج علی نے 2023ء کی’ٹاپ 50 ایشین سیلیبریٹیز‘ کی فہرست میں نویں پوزیشن حاصل کی ہے، اس کامیابی کے بعد وہاج علی نے کئی نامور ہالی ووڈ اور بالی ووڈ اداکاروں کو پیچھے چھوڑ دیا ہے۔

برطانوی اخبار کی جانب سے جاری کردہ فہرست میں بالی ووڈ کنگ شاہ رخ خان پہلے نمبر پر ہیں، اُنہوں نے یہ پوزیشن رواں سال اپنی دو سُپر ہٹ فلموں ’پٹھان‘ اور ’جوان‘ کی ریکارڈ توڑ کامیابی کی وجہ سے حاصل کی۔

نوشہرہ؛ گھر میں گیس اخراج سے دھماکا ، خواتین سمیت 8 افراد جھلس گئے

نوشہرہ: گھر میں گیس لیکیج کی وجہ سے ہونے والے دھماکے میں خواتین سمیت 8 افراد جھلس گئے۔

ریسکیو 1122 کے مطابق نوشہرہ  میں بدرشی اے ایس سی کالونی میں ایک گھر میں گیس لیکیج سے دھماکا ہوا، جس کی اطلاع ملتے ہی امدادی ٹیم طبی اہل کاروں اور ایمبولینس کو لے کر جائے وقوع پر پہنچی  اور کارروائی شروع کی۔

گیس لیکیج دھماکے کے باعث گھر میں موجود 8 افراد جھلس گئے جن میں 6 خواتین، 3 بچیاں اور 2 مرد شامل ہیں۔

ریسکیو 1122 ٹیم نے آگ میں جھلسنے والے تمام افراد کو ابتدائی طبی امداد فراہم کرنے کے بعد اسپتال منتقل کردیا۔

پانچ سالہ نااہلی اور انٹرا پارٹی الیکشن کے حکم کیخلاف عمران کی درخواستیں سماعت کیلئے مقرر

سابق چیئرمین پی ٹی آئی عمران خان کی توشہ خانہ کیس میں نااہلی اور دوبارہ انٹرا پارٹی الیکشن کرانے کے حکم کے خلاف درخواستیں سماعت کے لیے مقرر کر دیں۔

لاہور ہائی کورٹ کے جسٹس شاہد بلال حسن کی سربراہی میں 5 رکنی لارجر بینچ کل عمران خان کی درخواستوں پر سماعت کرے گا۔

لارجر بینچ کے دیگر ارکان میں جسٹس شمس محمود، جسٹس شاہد کریم، جسٹس شہرام سرور اور جسٹس جواد حسن شامل ہیں۔

عمران خان نے 5 سالہ نااہلی جب کہ پی ٹی آئی کے انٹرا پارٹی انتخابات دوبارہ کرانے کے الیکشن کمیشن کے حکم کے خلاف عدالت سے رجوع کر رکھا ہے۔

امریکا: یہودی فلسطینیوں کی حمایت میں نکل آئے، مرکزی شاہراہ بلاک کردی

امریکی ریاست کیلیفورنیا کے شہر لاس اینجلس میں یہودیوں نے فلسطینیوں کی حمایت میں مظاہرہ کرتے ہوئے مرکزی شاہراہ کو بلاک کردیا۔

اسرائیل اور حماس کے درمیان جنگ بندی کا مطالبہ کرنے والے متعدد مظاہرین نے بُدھ کی صبح لاس اینجلس کی مرکزی شاہراہ کو بلاک کرتے ہوئے ٹریفک کی روانی کو روک دیا۔ کیلیفورنیا ہائی وے پڑول نے 75مظاہرین کو گرفتار کرلیا۔

ایک گروپ نے اعلان کیا کہ وہ غزہ میں اسرائیلی جارحیت کی امریکی حمایت کے خاتمے کی حمایت کرنے والے امریکی یہودیوں کا ایک گروپ ہے، اس نے احتجاج کیا تھا۔

بھارتی سپریم کورٹ کے فیصلے پر چین نے ردعمل دے دیا

چینی وزارت خارجہ کے ترجمان نے کہا کہ آرٹیکل 370 پر بھارتی سپریم کورٹ کا فیصلہ لداخ پر چینی موقف کو متاثر نہیں کرے گا۔

میڈیا رپورٹ کے مطابق بدھ کے روز ترجمان وزارت خارجہ نے کہا کہ بھارت چین سرحد کا مغربی حصہ ہمیشہ سے چین کا رہا ہے۔

گیارہ دسمبر کو سپریم کورٹ نے اگست 2019 میں آرٹیکل 370 کی منسوخی کو برقرار رکھا، جس نے مقبوضہ جموں و کشمیر کی خصوصی حیثیت کو ختم کر دیا تھا، جو مقبوضہ جموں کشمیر کو دو ریاستوں جموں و کشمیر اور لداخ میں دوبارہ منظم کرنے کا باعث بنا تھا۔

سپریم کورٹ کے فیصلے سے متعلق ایک سوال کے جواب میں چینی وزارت خارجہ کے ترجمان ماؤ ننگ نے کہا کہ چین نے کبھی بھی بھارت کی جانب سے یکطرفہ اور غیر قانونی طور پر قائم کیے گئے نام نہاد مرکز کے زیر انتظام علاقے لداخ کو تسلیم نہیں کیا ہے۔

انہوں نے کہا کہ چین بھارت سرحد کا مغربی حصہ ہمیشہ سے چین کا رہا ہے۔ مذکورہ تبصرہ خطے کے بارے میں چین کے موقف کی آئینہ دار ہیں۔

اس سے قبل منگل (12 دسمبر) کو اسلامی تعاون تنظیم نے بھی سپریم کورٹ کے فیصلے پر تشویش کا اظہار کیا تھا، جبکہ بھارتی وزارت خارجہ نے او آئی سی کے بیان کو مسترد کر دیا۔

بھارتی وزارت خارجہ کے ترجمان ارندم باگچی نے کہا کہ وہ او آئی سی کی انسانی حقوق کی خلاف ورزی کرنے والے اور سرحد پار دہشت گردی کی حمایت کرنے پر انہیں مزید قابل اعتراض بنا دیتا ہے۔

آرٹیکل 370 پر بھارتی سپریم کورٹ کا فیصلہ لداخ پر چینی موقف کو متاثر نہیں کرے گا،ترجمان چینی وزارت خارجہ

چینی وزارت خارجہ کے ترجمان نے کہا کہ آرٹیکل 370 پر بھارتی سپریم کورٹ کا فیصلہ لداخ پر چینی موقف کو متاثر نہیں کرے گا۔

میڈیا رپورٹ کے مطابق بدھ کے روز ترجمان وزارت خارجہ نے کہا کہ بھارت چین سرحد کا مغربی حصہ ہمیشہ سے چین کا رہا ہے۔

گیارہ دسمبر کو سپریم کورٹ نے اگست 2019 میں آرٹیکل 370 کی منسوخی کو برقرار رکھا، جس نے مقبوضہ جموں و کشمیر کی خصوصی حیثیت کو ختم کر دیا تھا، جو مقبوضہ جموں کشمیر کو دو ریاستوں جموں و کشمیر اور لداخ میں دوبارہ منظم کرنے کا باعث بنا تھا۔

سپریم کورٹ کے فیصلے سے متعلق ایک سوال کے جواب میں چینی وزارت خارجہ کے ترجمان ماؤ ننگ نے کہا کہ چین نے کبھی بھی بھارت کی جانب سے یکطرفہ اور غیر قانونی طور پر قائم کیے گئے نام نہاد مرکز کے زیر انتظام علاقے لداخ کو تسلیم نہیں کیا ہے۔

انہوں نے کہا کہ چین بھارت سرحد کا مغربی حصہ ہمیشہ سے چین کا رہا ہے۔ مذکورہ تبصرہ خطے کے بارے میں چین کے موقف کی آئینہ دار ہیں۔

اس سے قبل منگل (12 دسمبر) کو اسلامی تعاون تنظیم نے بھی سپریم کورٹ کے فیصلے پر تشویش کا اظہار کیا تھا، جبکہ بھارتی وزارت خارجہ نے او آئی سی کے بیان کو مسترد کر دیا۔

بھارتی وزارت خارجہ کے ترجمان ارندم باگچی نے کہا کہ وہ او آئی سی کی انسانی حقوق کی خلاف ورزی کرنے والے اور سرحد پار دہشت گردی کی حمایت کرنے پر انہیں مزید قابل اعتراض بنا دیتا ہے۔

پاکستان کے خلاف پہلے ٹیسٹ میچ کے دوران آسٹریلوی اوپننگ بیٹر عثمان خواجہ بازو پر سیاہ پٹی باندھ کر میدان میں اتر گئے

۔

اوپننگ بلے باز پرتھ میں میچ کے دوران جوتے پہننا چاہتے تھے جس پرٓ ’آزادی ایک انسانی حق ہے‘ اور ’تمام زندگیاں برابر ہیں‘ واضح طور لکھا پر نظر آیا تھا۔

تاہم پاکستانی نژاد عثمان خواجہ کو بتایا گیا کہ انہوں نے میچوں کے دوران سیاست، مذہب یا نسل سے متعلق پیغامات پر انٹرنیشنل کرکٹ کونسل (آئی سی سی) کے قوانین کی خلاف ورزی کی ہے۔

کرکٹ آسٹریلیا کا کہنا تھا کہ انہیں توقع ہے کھلاڑی قواعد کی پاسداری کریں گے، عثمان خواجہ نے نیم شفاف ٹیپ سے جوتوں پر لکھے نعروں کو ڈھناپ دیا، فلسطینی پرچم کے رنگ میں الفاظ صرف قریب سے نظر آرہے تھے۔

گزشتہ روز انہوں نے کہا کہ میں نے اپنے جوتوں پر جو کچھ لکھا ہے سیاسی نہیں، میں کسی کا ساتھ نہیں دے رہا، میرے لے انسانی زندگی برابر ہے، ایک یہودی زندگی ایک مسلمان کی زندگی کے برابر ہے اور ایک ہندو زندگی کے برابر ہے۔

عثمان خواجہ کا کہنا تھا کہ میں صرف ان لوگوں کے لئے بول رہا ہوں جن کے پاس آواز نہیں ہے۔

انہوں نے یہ بھی کہا کہ وہ ان خیالات کے اظہار کے اپنے حق کے لئے جدوجہد جاری رکھیں گے۔

آسٹریلوی بلے باز نے کہا کہ آئی سی سی نے مجھ سے کہا میں میدان میں وہ جوتے اپنے جوتے نہیں پہن سکتا کیونکہ انہیں لگتا ہے یہ ایک سیاسی بیان ہے، کرکٹ کونسل کے فیصلے کا احترام کرتا ہوں لیکن اس کے خلاف لڑوں گا اور لڑ کر جوتے پہننے کی اجازت لوں گا۔

مقامی میڈیا کے مطابق کرکٹ آسٹریلیا کا کہنا تھا کہ عثمان خواجہ نے حال ہی میں غزہ سے تعلق رکھنے والے بچوں کے خیراتی ادارے یونیسیف کی جانب سے انسٹاگرام پر شیئر کی گئی ایک ویڈیو کے مطابق آرم بینڈ پہنا ہوا تھا۔

آسٹریلوی کرکٹر نے فاکس کرکٹ سے گفتگو کرتے ہوئے کہا کہ میرے خیال میں ماضی میں بہت کچھ ہوا جو ایک مثال قائم کرتا ہے۔

ان کا کہنا تھا کہ دیگر کھلاڑی جن کے سازوسامان پر مذہبی چیزیں ہیں، انہیں آئی سی سی کی ہدایات کے تحت تکنیکی طور پر اجازت نہیں مگرکرکٹ کونسل اس بارے میں کبھی کچھ نہیں کہتا۔