خلاء سے شمسی توانائی زمین پر بھیجنے کا کامیاب تجربہ

ان تجربوں میں نئی شکل کے سولر پینل اسٹرکچر، مختلف سیل ڈیزائن اور مائیکرو ویو ٹرانسمٹر شامل ہیں۔

کیلٹیک کے مطابق اس مشن کی کامیابی خلائی شمسی توانائی کے مستقبل میں مدد دے گی۔ البتہ، اس بات سے خبردار کیا کہ اس منصوبے کو حقیقیت کا رنگ دینے سے قبل مزید تحقیقات کی ضرورت ہے۔

صدر کیلٹیک اور فزکس کے پروفیسر تھامس روزنبام کا کہنا تھا کہ خلاء سے شمسی توانائی کا کمرشل سطح پردنیا کے استعمال کے لیے بھیجا جانا ابھی بھی مستقبل کی کہانی ہے۔ لیکن اس اہم مشن نے یہ بات ثابت کی ہے کہ اس مقصد کو پالیا جانا چاہیئے۔

خلاء سے زمین پر بڑی مقدار میں صاف اور قابل تجدید توانائی مائیکرو ویوز کے ذریعے منتقل کرنے کا خیال پہلی بار نصف صدی سے زائد عرصہ قبل پیش کیا گیا تھا۔ جس کے متعلق سائنس دانوں کا کہنا تھا کہ بادلوں یا سورج کے سائیکل کی وجہ سے ایسے نظام کی کارکردگی میں کوئی کمی واقع نہیں ہوگی۔