پاکستان سپر لیگ سیزن 9 کے دوسرے میچ میں پشاور زلمی کے خلاف کوئٹہ گلیڈی ایٹرز نے جارحانہ آغاز کرتے ہوئے 5 وکٹوں کے نقصان پر 207 رنز کا ہدف دے دیا۔
پی ایس ایل 9 کے دوسرے میچ میں پشاور زلمی نے گلیڈی ایٹرز کو بیٹنگ کی دعوت دی ہے۔
جیسن رؤئے اور سعود شکیل نے جارحانہ آغاز کرکے نصف سنچریاں اسکور کیں۔
سعود شکیل 74 رنز پر لیوک ووڈ کی گیند پر بابر اعظم کو کیچ دے بیٹھے جبکہ جیسن رؤئے 75 رنز پر سلمان ارشد کی گیند پر صائم ایوب کو کیچ دے کر آؤٹ ہوگئے۔
کپتان ریلی روسو 14 رنز بنا سکے، شیرفین ردرفورڈ 20 رنز، محمد وسیم 4 رنز بنا سکے جبکہ خواجہ نافے 6 رنز بنا کر ناٹ آؤٹ رہے۔
زلمی کے سلمان ارشد نے تین کھلاڑی آؤٹ کیے جبکہ لیوک ووڈ اور محمد ذیشان نے ایک ایک وکٹ حاصل کی۔
کوئٹہ گلیڈی ایٹرز اور پشاور زلمی اب تک 21 میچز میں آمنے سامنے آچکے ہیں، کوئٹہ گلیڈی ایٹرز نے 9 اور پشاور زلمی نے 12 میچز جیتے ہیں۔
اس سے قبل پاکستان سپر لیگ کے نویں ایڈیشن کے افتتاحی میچ میں اسلام آباد یونائیٹڈ نے دفاعی چیمپیئن لاہور قلندرز کو یکطرفہ مقابلے کے بعد 8 وکٹوں کے بعد شکست دے دی تھی۔
پشاور زلمی اسکوڈ:
بابر اعظم (کپتان) ، صائم ایوب، ٹام کوہلر کیڈمور (وکٹ کیپر)، محمد حارث، روومین پاول، آصف علی، حسیب اللہ خان، مہران ممتاز، عامر جمال، سلمان ارشاد، وقار سلام خیل۔
کوئٹہ گلیڈی ایٹرز اسکوڈ:
جیسن رائے، خواجہ نافے، ریلی روسو (کپتان)، سعود شکیل، سرفراز احمد (وکٹ کیپر)، شیرفین ردرفورڈ، محمد وسیم، محمد حسنین، ابرار احمد، عثمان قادر، محمد عامر۔
