وفاقی وزیر پیٹرولیم ڈاکٹر مصدق ملک نے کہا ہے کہ ایران سے عراق اور ترکیہ کی طرح بغیر پابندیوں والی گیس خریدنا چاہتے ہیں۔ ایران سے پابندیوں کا مسئلہ حل کرنے کے لیے کوشش کی جارہی ہے۔
اسلام آباد میں تقریب سے خطاب میں مصدق ملک نے کہا کہ اقتصادی ترقی کےلیے انرجی سکیورٹی ضروری ہے، پائیدار ترقی کےلیےماحول دوست ٹیکنالوجی کو اپنانا ہوگا۔
انھوں نے کہا کہ ترقی کے سفر میں ماحول کو آلودگی سے بچانا ہوگا، غذائی تحفظ یقینی بنانےکےلیےکلین انرجی ناگزیر ہے۔
ان کا کہنا تھا کہ توانائی کی مناسب قیمت پر بلا تعطل فراہمی حکومت کی ترجیح ہے، حکومت توانائی کی فراہمی بڑھانے کی کوشش کررہی ہے۔
