لاہور: پاکستان کی نامور اداکارہ عروہ حسین نے خود پر تنقید کرنے والے شوبز فنکاروں کو کھری کھری سنادیں۔
انسٹاگرام پر اداکارہ نے ایک طویل پیغام شیئر کیا ہے جس میں انہوں نے واضح الفاظ میں لکھا کہ جو کوئی اچھا کام کرتا ہے وہ بغیر کسی پروا کے اس کی تعریف کرتی ہیں چاہے اس کا تعلق کسی بھی سیاسی جماعت سے ہو۔
انہوں نے لکھا کہ کسی کے اچھے کام کی تعریف کا یہ مطلب نہیں ہوتا کہ اس کی ہر چیز سے آپ متفق ہیں اور ہر جگہ اس کی حمایت کریں گی۔
اداکارہ نے کہا کہ اگر کسی کو کوئی شے پتہ نہ ہو تو وہ پوچھ لے لیکن نفرت پھیلا کر اپنی تربیت کی عکاسی کرنا اچھا عمل نہیں ہے۔
انہوں نے کہا کہ دنیا ہمیں دیکھ کر ہنستی ہوگی کہ ہم آپس میں ایک دوسرے سے کتنی نفرت کرتے ہیں، آپس میں لڑنے سے کچھ حاصل نہیں ہوگا۔
عروہ حسین نے تنقید کرنے والوں کو پیغام دیا کہ وہ اپنا خون مت گرم کریں، ملک میں ویسے ہی بہت گرمی ہے۔
