بالی وڈ اداکارہ کترینہ کیف کی جرمنی سے ممبئی آمد کے بعد فلم بیڈ نیوز میں اپنے گانے ‘توبہ توبہ‘ کی بدولت سوشل میڈیا پر ٹرینڈ کرنے والے معروف اداکار ‘وکی کوشل‘ کے مداحوں نے اداکار سے مزاحیہ انداز میں چھیڑ چھاڑ شروع کردی۔
‘توبہ توبہ’ کے بعد فلم بیڈ نیوز میں اداکارہ ترپتی دمری کے ہمراہ اپنے رومانوی گانے ‘جانم‘ سے انٹرنیٹ کی دنیا کو ہینگ کرنے والے اداکار ‘وکی کوشل‘ کے فینز نے گانے کی ویڈیو میں ترپتی کے ساتھ ہاٹ سینز شوٹ کروانے کو اہلیہ ‘کترینہ کیف‘کی بھارت آمد سے جوڑ دیا۔
حال ہی میں اداکار وکی کوشل کی جانب سے فوٹواینڈ ویڈیو شیئرنگ ایپ انسٹاگرام پر فلم بیڈ نیوز کے رومانوی گانے‘جانم‘ کا ٹیزر ریلیز کیا گیا تھا جس میں اداکار کو فلم اینیمل سے شہرت حاصل کرنے والی اداکارہ ترپتی کے ہمراہ دیکھا جاسکتا ہے۔
وکی کی جانب سے انسٹاگرام پر پوسٹ اپلوڈ ہوتے ہی وائرل ہوگئی جس کے بعد فلم کے دوسرے گانے ‘جانم‘ کے یوٹیوب پر اپلوڈ ہوتے ہی مداح ‘وکی کوشل‘ کے بولڈ اوتار کو دیکھ کر سسکیاں لینے پر مجبور ہوگئے۔
فلم بیڈ نیوز کے دوسرے گانے ‘جانم‘ میں وکی کوشل کواداکارہ ترپتی دمری کے ہمراہ انتہائی بولڈ اوتار میں دیکھا جاسکتا ہے جسکے کمنٹ سیکشن میں مداحوں کی جانب سے وکی کوشل اور ترپتی دمری کی آن اسکرین کیمسٹری کو کافی پسند کیا جارہا ہے۔
ایک جانب جہاں مداحوں کی جانب سے اداکار ‘وکی کوشل‘ کو فلم بیڈ نیوز کے پہلے گانے ‘توبہ توبہ‘ میں اُن کے ڈانس اور دوسری جانب ‘جانم‘ میں ترپتی کے ہمراہ اُن کے بولڈ اوتار پر کافی سراہا جارہا ہے وہیں اب مداح وکی کوشل کو تنبیہ کرتے نظر آرہے ہیں کہ خبردار ہوجائیں کیٹ بھارت اسلیے آئیں ہیں کیونکہ انہوں نے آپ کو ترپتی کے ساتھ گانے میں دیکھ لیا ہے اور اب آپ کی شامت پکی ہے۔
واضح رہے فلم ‘بیڈ نیوز‘ 19جولائی کو سینیما گھروں میں نمائش کیلئے پیش کی جائے گی۔ بیڈ نیوز 2019 میں ریلیز ہونے والی فلم ‘گُڈ نیوز‘ کا اگلا پارٹ ہےجس کی اسٹار کاسٹ میں میں کرینہ کپور خان، کیارا اڈوانی، اکشے کمار اور دلجیت دوسانجھ شامل تھے
