نیروبی: کینیا میں ایک دلچسپ واقعہ انٹرنیٹ پر وائرل ہوگیا ہے جس میں 90 کی دہائی میں مرد و عورت شادی کے رشتے میں بندھ گئے ہیں۔
مقامی میڈیا کے مطابق کینیا سے تعلق رکھنے والے 95 سالہ شخص نے اپنی 90 سالہ دیرینہ عزیز سے پہلی ملاقات کے 60 سالوں بعد شادی کرنے کا فیصلہ کیا۔
نجی میڈیا آؤٹ لیٹ سٹیزن ڈیجیٹل نے رپورٹ کیا کہ ابراہم مبوگو نے نیروبی کے ایک چرچ میں 90 سالہ تبیتھا وانگوئی سے شادی کی رسومات ادا کیں ۔
ابراہم مبوگو نے میڈیا نمائندوں کو بتایا کہ ہم 1960 میں ملے اور پہلی ملاقات میں ہی ہمیں پیار ہوگیا۔ ہم نے مل کر سوچا اور فیصلہ کیا کہ اگر چرچ میں شادی کریں تو بہت اچھا ہوگا۔
انہوں نے کہا کہ ہم اپنے مقامی رواج میں جانتے ہیں کہ ہم قانونی طور پر شادی شدہ ہیں، لیکن چونکہ ہم عیسائی بھی ہیں اس لیے ہم نے چرچ میں شادی کرنے کا فیصلہ کیا۔
