آئیڈاہو: امریکی شہری ڈیوڈ رش بالآخر باضابطہ طور پر دنیا میں سب سے زیادہ گنیز ورلڈ ریکارڈز قائم کرنے والے فرد بن گئے ہیں۔
امریکی ریاست آئیداہو سے تعلق رکھنے والے ڈیوڈ رش کا مقصد سب سے زیادہ ریکارڈز قائم کرنے والے اطالوی شہری سلویو صبا کے کل 180 ریکارڈز کو توڑنا تھا۔
ڈیوڈ نے 181 گنیز ورلڈ ریکارڈز قائم کیے جس میں سے آخری ریکارڈ 30 سیکنڈز میں توڑنے والے سب سے زیادہ البم سی ڈیز کا تھا۔
ڈیوڈ کا کہنا تھا کہ وہ ٹائٹل کو برقرار رکھنے کی کوشش میں اپنا کام ختم کر رہے ہیں کیونکہ انہیں سلویو صبا سے آگے رہنا تھا جن کے پاس 180 ریکارڈ ہیں۔
