کراچی: کورنگی نمبر 6 مارکیٹ میں کپڑے کی دکان میں لگنے والی آگ پر فائر ٹینڈرز نے قابو پا لیا۔
دکان میں آگ لگنے کی اطلاع ملتے ہی کورنگی اور لانڈھی فائر اسٹیشن سے دو فائر ٹینڈرز کو روانہ کر دیا گیا تھا۔
فائر بریگیڈ کے ترجمان کے مطابق آگ پر قابو پا لیا گیا ہے، اور آگ کو مزید پھیلنے سے روک دیا ہے۔
ترجمان فائر بریگیڈ کا کہنا تھا کہ آتشزدگی کے نتیجے میں کسی قسم کا جانی نقصان نہیں ہوا، فی الحال مالی نقصان کا اندازہ نہیں لگایا جا سکتا۔
