برطانیہ کے ایک گاؤں میں عجیب صورتِ حال پیدا ہوگئی ہے۔ مقامی انتظامیہ نے بچوں کو قدرتی ماحول کو پہنچنے والے نقصان سے باخبر رکھنے اور اُن میں شعور بیدار کرنے کے لیے مرکزی چوک پر 27 اونچی گڑیا نصب کی ہے۔
للی نامی یہ گڑیا روچڈیل برو کونسل انتظامیہ نے رکھی ہے۔ حیرت انگیز بات یہ ہے کہ بچے تو اِس گڑیا سے ڈر نہیں رہے بلکہ محظوظ ہو رہے تاہم بڑوں میں عجیب سا خوف پایا جارہا ہے۔ وہ اِسے کوئی ڈراؤنی چیز سمجھ رہے ہیں جبکہ بچے اس گڑیا کے پاس جمع ہوکر گیت بھی گاتے ہیں اور گپ شپ بھی لگاتے ہیں۔
اس قوی الجثہ گڑیا کے حوالے سے سوشل میڈیا پر بھی گرما گرم بحث چھڑگئی ہے۔ کچھ لوگوں کو اتنی بڑی گڑیا نصب کرنے کا اقدام پسند آیا ہے جبکہ بعض لوگ اسے ناپسند قرار دے رہے ہیں۔ سوشل میڈیا پر اس حوالے سے دلچسپ تبصرے پڑھنے کو مل رہے ہیں۔
