پاکستان کی معروف اداکارہ یشما گل کا ہاٹ موڈ ختم ہونے کا نام ہی نہیں لے رہا اور انہوں نے ایک بار پھر بولڈ لباس میں اپنی ادائیں دکھاتے ہوئے ویڈیو شیئر کردی۔
ڈراما ’بے باک‘ ، ’آز مائش‘ ، ’مجھے خدا پہ یقین ہے‘ اور ’پیا نام کا دیا‘ میں اپنی بہترین اداکاری کے جوہر دکھانے والی اداکارہ یشما گِل سوشل میڈیا پر بھرپور طریقے سے متحرک رہتی ہیں۔
انسٹاگرام پر اپلوڈ کردہ ویڈیو کے بارے میں یشما گل نے یہ تو نہیں بتایا کہ یہ ویڈیو کہاں کی ہے لیکن اندازہ لگایا جاسکتا ہے یہ کم از کم پاکستان کی نہیں ہے۔
ویڈیو میں بولڈ اور مختصر لباس پہنے یشما گل کسی ہوٹل کے سوئمنگ پول کے سامنے اپنے جلوے دکھاتی نظر آئیں۔
اداکارہ کے پیچھے ہوٹل اور سوئمنگ پول کا خوبصورت نظارہ بھی دکھائی دے رہا ہے، یشما اس ویڈیو میں دل کا سائن بھی بناتی ہیں اور دل کا فلٹر بھی استعمال کرتی دکھائی دیتی ہیں۔
ویڈیو میں انہوں نے I love myself نامی گانا بیک گراونڈ میں لگایا اور اس گانے کے ذریعے کوئی پیغام بھی دینے کی کوشش کی۔
البتہ مختصر لباس میں ویڈیو اپلوڈ کر کے تنقید سے بچنے کے لیے یشما گل نے اس ویڈیو پر کمنٹس کا آپشن بند رکھا ہوا ہے۔
اس سے قبل بھی یشما گل کا ایک اور بولڈ فوٹو شوٹ سامنے آیا تھا جس میں انہیں موسیقی سے لطف اندوز ہونے، سڑکوں پر گھومنے پھرنے اور لذیذ کھانے انجوائے کرنے کے ساتھ بیڈ پر لیٹے پوز دیتے دیکھا گیا۔
اس دوران اداکارہ اسکن رنگ کے باڈی کون ڈریس میں ملبوس نظر آئیں جبکہ سرخ رنگ کی ہائی ہیل بھی یشما کی لُک کو مکمل کر رہی تھی۔
واضح رہے کہ جب ذاکر نائیک پاکستان آئے تھے تو یشما گل ان سے ایک سوال کرنے کے لیے تقریب میں گئی تھیں۔ اس دوران اداکارہ سر پر ڈوپٹہ اوڑھے باادب کھڑی نظر آئی تھیں۔ لیکن ابھی یہ سادگی کا لبادہ برقرار ہی تھا کہ اداکارہ نے اپنا ایسا روپ بدلا کہ ہر دیکھنے والوں کو دنگ کردیا۔
