پاکستانی ڈراما انڈسٹری کی ورسٹائل جوڑی اداکارہ وشما فاطمہ اور سبحان اعوان کے برائیڈل شوٹ نے فیشن کی دنیا میں ہلچل مچادی۔
ڈراما سیریل ‘مجھے پیار ہوا تھا’ میں فاحا کے کردار سے شہرت حاصل کرنے والی اداکارہ وشما فاطمہ اپنی اداکاری کے ساتھ ساتھ اپنے شوہر کے ہمراہ رومانوی تصاویر سے بھی مداحوں کے دلوں پر راج کرتی ہیں۔
ہمیشہ کی طرح اس بار بھی اداکارہ نے سوشل میڈیا کا رخ کرتے ہوئے رومانوی شوٹ سے اپنے فینز کو خوشی سے جھومنے پر مجبور کردیا۔
فوٹو اینڈ ویڈیو شیئرنگ ایپ انسٹاگرام پر اداکارہ نے پوسٹ شیئر کی جس میں انہیں عروسی جوڑے میں غضب ڈھاتے دیکھا گیا جبکہ ساتھ انکے شوہر و اداکار سبحان اعوان بھی سیاہ شیروانی میں وشما کی جوڑی کو مکمل کرتے نظر آئے۔
خوبصورت برائیڈل شوٹ سوشل میڈیا پر شیئر کرتے ہوئے اداکارہ نے کیپشن میں اپنے شوہر سبحان اعوان سے اظہار محبت کرتے ہوئے لکھا کہ،’عام طور پر، میں کیپشن لکھنے میں واقعی خراب ہوں، لیکن آج میں ایک لمبا کیپشن لکھنے جا رہی ہوں کیونکہ میں اپنے جذبات کا اظہار کرنا چاہتی ہوں۔ ’
