جیولری ڈیزائنر ردھیما کپور ساہنی نے انکشاف کیا ہے کہ ان کے والد اور لیجنڈ اداکار رشی کپور کی موت کے بعد ان کا پورے خاندان کو بری طرح سے ٹرول کیا گیا تھا۔
انہوں نے کہا کہ لوگ ان کی موت کے بعد عوام کے سامنے آنے پر انہیں جج کیا کرتے تھے۔
حال ہی میں ایک انٹرویو دیتے ہوئے ردھیما نے اس تنقید کے بارے میں بات کی جس کا سامنا انہیں اس وقت کرنا پڑا جب بھی وہ رشی کی موت کے بعد تصاویر یا عوامی مقامات پر خوش نظر آئیں۔
ردھیما نے شیئر کیا کہ جب خاندان رشی کپور کے انتقال کی حقیقت کو قبول کرنے کے مشکل مرحلے سے گزر رہا تھا تو انہوں نے عوام میں کمپوزڈ نظر آنے کی پوری کوشش کی۔
انہوں نے مزید کہا کہ عوام میں اپنا غم ظاہر نہ کرنے کی ان کی کوشش کو غلط سمجھا گیا تھا اور بہت سے لوگوں کو یہ لگا کہ ہمیں ان کی موت سے دکھ نہیں ہوا۔
انہوں نے ٹرولز کی بے حسی کے بارے میں بات کرتے ہوئے کہا کہ ‘لوگ ہمیں کہتے تھے، ‘اوہ، یہ تو بہت خوش نظر آتے ہیں، اور وہ باہر جا رہے ہیں، اور وہ یہ کر رہے ہیں’ لیکن آپ کو گھر آ کر دیکھنا پڑتا کہ اصل میں اس کا ہم پر کیا اثر ہوا تھا’۔
انٹرویو میں ردھیما نے مزید کہا کہ ‘لوگ کہتے ہیں فلاں مراعات یافتہ ہے، فلاں کے پاس سب کچھ ہے؛ ضروری نہیں کہ آپ کو کیسے معلوم ہو کہ دوسرا شخص کس عدم تحفظ کا سامنا کر رہا ہے؟’
انہوں نے مزید کہا کہ وہ اپنی والدہ اور اداکار نیتو کپور کو بہت سراہتی ہیں جس طرح انہوں نے والد کی موت کے بعد حالات کو سنبھالا۔
رشی کپور
اداکار رشی کپور لیوکیمیا کے ساتھ دو سال کی جنگ کے بعد 67 سال کی عمر میں 30 اپریل 2020 کو انتقال کر گئے تھے۔
ہندی سنیما کے پہلےفلمی خاندان میں پیدا ہوئے، رشی کپور ہندوستان کے شو مین، راج کپور کہلانے والے شخص کے بیٹے اور مشہور پرتھوی راج کپور کے پوتے تھے۔
رشی راج کپور کے دوسرے بیٹے اور رندھیر، ریتو نندا، ریما جین اور راجیو کپور کے بھائی تھے۔
2018 میں،رشی کپور کو کینسر کی تشخیص ہوئی، جس کے بعد، اداکار علاج کے لیے ایک سال سے زیادہ عرصے سے نیویارک میں تھے۔
رشی کی شادی اداکارہ نیتو کپور سے ہوئی تھی۔ جن کے ساتھ ان کے دو بچے ہیں بیٹا رنبیر کپور اور بیٹی ردھیما کپور۔
ان کے بیٹے رنبیر نے اپریل 2022 میں اداکارہ عالیہ بھٹ سے شادی کی، جوڑے نے نومبر 2022 میں اپنی بیٹی راہا کا استقبال کیا۔
