پاکستانی اداکارہ عائزہ خان نے دبئی سے اپنے شوہر و اداکار دانش تیمور کے ہمراہ دلکش جھلکیاں سوشل میڈیا کی زینت بنادیں۔
حسن و دلکشی سے سرشار عائزہ خان کو پاکستانی عوام کی بے انتہا محبت حاصل ہے اور مداح انکی بہترین اداکاری اور خوبصورتی کے گُن گاتے رہتے ہیں۔
بات حسن کی ہو یا اداکاری کی دونوں ہی میں عائزہ خان کو دیگر پاکستانی اداکاراؤں پر سبقت حاصل ہے اور یہی وجہ ہے کہ ان کا ہر پراجیکٹ سپر ہٹ ہے۔
دانش تیمور اور عائزہ خان نے 8 اگست 2014 کو دھوم دھام سے شادی کی اور اس جوڑی کے ہاں پہلے ایک بیٹی حورین اور پھر بیٹا ریان کی پیدائش ہوئی جن کے ساتھ اب دونوں محبت سے بھرپور تصاویر اور ویڈیوز جاری کرتے رہتے ہیں۔
عائزہ خان ان دنوں اپنے شوہر کے ہمراہ دبئی کی سیر کو نکلی ہوئی ہیں جہاں سے حسین یادیں سمیٹ کر اپنے فینز کیلئے سوشل میڈیا پر رونق لگائے بیٹھی ہیں۔
فوٹو اینڈ ویڈیو شیئرنگ ایپ انسٹاگرام پر عائزہ خان نے پوسٹ شیئر کی جس میں انہیں دانش کے ہمراہ ڈیٹ نائٹ سے لطف انداز ہوتے دیکھا گیا۔
اس دوران عائزہ نے ہارر مووی کیلئے سینما کا رخ کیا اور بعد میں رومانٹک نائٹ کی جھلکیاں اپنے فینز کیساتھ شیئر بھی کیں۔
خوبصورت تصاویر جاری کرتے ہوئے عائزہ خان نے پوسٹ کے کیپشن میں لکھا کہ،’بھول بھلیاں کے بھنور میں، میں نے تم تک اپنی راہ پا لی، تم میرے ساتھی، میرے رہنما، میری ہمیشہ کی محبت ہو۔’
