شہر قائد کے علاقے کورنگی قیوم آباد پل پر ٹرالر کے ساتھ زوردار ٹکر میں موٹر سائیکل سوار باپ اور بیٹا جاں بحق ہو گئے۔
حادثہ رات کے وقت پیش آیا جب ایک خراب کھڑے ٹرالر سے موٹر سائیکل ٹکرا گیا۔
پولیس کے مطابق، ٹرالر پل پر اس وقت کھڑا تھا، جب موٹر سائیکل سوار اپنی فیملی کے ہمراہ پل پر گزر رہا تھا، تاہم پل پر اندھیرے کی وجہ سے ٹرالر نظر نہیں آیا، جس کے نتیجے میں یہ حادثہ پیش آیا۔
پولیس کا مزید کہنا تھا کہ ٹرالر خراب ہو گیا تھا جسے اس کا ڈرائیور لاک لگا کر چلا گیا تھا۔
حادثے میں جاں بحق ہونے والوں کی شناخت 49 سالہ رضوان اور 3 سالہ روہان کے نام سے ہوئی ہے، جب کہ موٹر سائیکل پر سوار خاتون معمولی زخمی ہوئیں۔
زخمی بچے روہان کو جناح اسپتال منتقل کیا گیا جہاں وہ دم توڑ گیا۔ پولیس نے واقعے کی تحقیقات کا آغاز کر دیا ہے۔
