بالی ووڈ کی ماضی کی مقبول اداکارہ ہیما مالنی نے انکشاف کیا ہے کہ ان کے والد دھرمندر سے ان کی شادی نہیں کرنا چاہتے اور انہیں ملنے سے بھی روکنے کی کوشش کرتے تھے۔
بھارتی میڈیا کی ایک رپورٹ کے مطابق ہیما مالنی نے انڈین آئیڈل کے 12 سیزن میں مداحوں کے ساتھ ایک دلچسپ واقعہ شیئر کیا تھا۔ اداکارہ نے بتایا کہ ان کے والد کو دھرمندر کے ساتھ ان کا وقت گزارنا ناگوارا گزرتا تھا اور اس ہی لئے ایک مرتبہ ان کے والد فلم کے سیٹ پر پہنچ گئے تھے تاکہ وہ دھرمندر کے ساتھ اکیلے وقت نہ گزار سکیں کیونکہ وہ شادی شدہ اور بچوں کے باپ تھے۔
دونوں اداکار کیسے ملے اور محبت میں گرفتار کیسے ہوئے اس پر بھی ماضی میں اداکارہ ہیما مالنی نے ایک انٹرویو میں دلچسپ واقعے کا ذکر کیا تھا۔ ہیما مالینی نے بتایا کہ وہ اور دھرمیندر پہلی بار 1970 میں فلم ’تو حسین میں جوان‘ کے سیٹ پر ملے تھے، جہاں وہ ایک دوسرے کے ساتھ وقت گزار کر لطف اندوز ہوتے تھے اور فلم کی شوٹنگ کے اختتام تک دونوں ایک دوسرے کی محبت میں گرفتار ہوچکے تھے۔
بالی ووڈ کی ڈریم گرل ہیما مالینی نے کہا کہ دھرمیندر ان کے لیے ’لَو ایٹ فرسٹ سائٹ‘ ’پہلی نظر کی محبت‘ تھے اور دھرمیندر نے بھی اپنے ایک پرانے انٹرویو میں یہی بات کہی تھی، تاہم وہ اس محبت کے بارے میں شک میں مبتلا تھے کیونکہ وہ پہلے ہی شادی شدہ تھے اور 4 بچوں کے والد بھی تھے تاہم کچھ ہی وقت میں دونوں نے شادی کا فیصلہ کرلیا۔
یاد رہے کہ دھرمیندر نے پہلے پرکاش کور سے شادی کی تھی، جن سے ان کے چار بچے سنی دیول، بوبی دیول، وجیتا دیول اور اجیتا دیول تھے جبکہ ہیما مالنی انکی دوسری بیوی ہیں جن سے ان کے دو بچے ابھے دیول اور ایشا دیول ہیں۔
