جنوبی کوریا کے سابق  صدریون سک یول کے خلاف تحقیقات کرنے والی ٹیم نے وارنٹ گرفتاری جاری کرنے کی درخواست کردی۔

غیرملکی میڈیا کے مطابق جنوبی کوریا کے معزول صدر یون سک یون کے خلاف تحقیقات کرنے والے ادارے جوائنٹ انویسٹیگیشن ہیڈکوارٹرز کی جانب سے جاری بیان میں کہا گیا ہے کہ ملک میں مختصر مدت کے لیے مارشل لا لگانے پر سابق صدر یون سک کے وارنٹ گرفتاری جاری کرنے کی درخواست کی ہے۔

کرپشن انویسٹیگیشن افسروں، پولیس ارو وزارت دفاع کے اعلی افسران پر مشتمل جوائنٹ انویسٹیگیشن ٹیم کا کہنا ہے کہ سابق صدر نے تحقیقات کے لیے ٹیم کے سامنے پیش ہونے کے لیے جاری کیے نوٹسز کو نظر انداز کیا اور پیش نہیں ہوئے۔

سابق صدریون سک یون کے وارنٹ گرفتاری جاری کرنے یا نہ کرنے سے متعلق فیصلہ عدالت کرے گی۔ اگر یون سک یون کے وارنٹ گرفتاری جاری ہوئے تو وہ جنوبی کوریا کے گرفتار ہونے والے پہلے صدر بن جائیں گے۔ صدریون نے ملک میں مختصر مدت کے لیے مارشل لان نافذ کیا تھا جس کے خلاف لاکھوں افراد سڑکوں پر نکل آئے تھے اورمجبورا صدر کو مارشل لا لگانے کا فیصلہ واپس لینا پڑا تھا۔ صدر یون کو مواخذے کی تحریک کے ذریعے منصب سے ہٹایا گیا تھا۔

امریکا میں بے گھر افراد میں ڈرامائی اضافہ، وجوہات کیا ہیں؟ امریکا میں اس سال بے گھر افراد کی شرح میں 18.1 فیصد کا اضافہ دیکھا گیا جس کی کئی وجوہات میں مناسب قیمت پر رہائش کی عدم دستیابی بھی شامل ہے۔

وفاقی حکام کے مطابق بے گھر افراد میں رواں سال ڈرامائی اضافے کے پیچھے تباہ کن قدرتی آفات اور ملک کے کئی حصوں میں بہت سے تارکین وطن کی آمد بھی ہے۔

یو ایس ڈپارٹمنٹ آف ہاؤسنگ اینڈ اربن ڈیولپمنٹ نے گزشتہ روز کہا کہ جنوری میں ملک بھر میں وفاقی طور پر لیے جانے والے اعداد و شمار کے مطابق 7 لاکھ 70 ہزار سے زیادہ لوگ بے گھر تھے۔

اس تعداد میں وہ لوگ شامل نہیں ہیں جو دوستوں یا خاندان کے ساتھ اس لیے رہتے ہیں کیونکہ ان کے پاس سر چھپانے کی اپنی کوئی جگہ نہیں ہے۔

 قبل ازیں سال 2023 میں بے گھر افراد کی تعداد میں 12 فیصد اضافہ ہوا تھا۔

ادارہ برائے رہائش اور شہری ترقی نے اس اضافے کا سبب کرایوں اور وبائی بیماری کے لیے دی جانے والی امداد کے خاتمے کو قرار دیا تھا۔

پچھلے سال اس اضافے کا سبب پہلی بار بے گھر ہونے والے افراد بھی تھے۔ مجموعی طور پر دیکھا جائے تو بے گھر لوگوں کی تعداد کا مطلب یہ ہے کہ امریکا میں ہر 10,000 میں سے 23 لوگ بے گھر ہیں۔

بے گھر افراد میں سیاہ فاموں کا تناسب زیادہ ہے۔  ادارے کی سربراہ ایڈریان ٹوڈمین نے ایک بیان میں کہا کہ کسی بھی امریکی کو بے گھر نہیں ہونا چاہیے۔

مسجد نبویؐ کی انتظامیہ نے روضہ رسول ﷺ کی حاضری دینے والے دنیا بھر کے زائرین کی آمد کا حالیہ اعداد و شمار جاری کر دیے ہیں،

اعداد و شمار کے مطابق اسلامی سال کے پہلے تین ماہ میں دنیا بھر سے 14 لاکھ 86 ہزار 880 سے زائد زائرین نے مسجد نبویؐ اور روضہ رسولؐ پر حاضری دی۔

ان میں سب سے زیادہ تعداد انڈونیشیا سے آئی، جہاں سے 4 لاکھ 49 ہزار 696 زائرین نے عمرہ کی ادائیگی کے لیے مسجد نبویؐ کا سفر کیا۔

پاکستان سے 2 لاکھ 87 ہزار 793 زائرین نے مسجد نبویؐ میں حاضری دی، جبکہ بھارت سے ایک لاکھ 79 ہزار 52، عراق سے ایک لاکھ 22 ہزار 557 اور بنگلہ دیش سے 76 ہزار 940 زائرین بھی مسجد نبویؐ پہنچے۔

اس سال کے عمرہ سیزن کے دوران ان زائرین کی تعداد میں نمایاں اضافہ ہوا ہے۔

مسجد نبویؐ کی انتظامیہ کا کہنا ہے کہ زائرین کی صحت اور سلامتی کے انتظامات کو مکمل طور پر یقینی بنایا گیا ہے تاکہ وہ آرام دہ اور محفوظ ماحول میں اپنی عبادات ادا کر سکیں۔

انتظامیہ نے اس بات پر زور دیا کہ ان انتظامات میں مسجد نبویؐ کی طرف آنے والے زائرین کی بہتر رہنمائی اور سہولت فراہم کرنے کے لیے خصوصی تدابیر اختیار کی گئی ہیں۔

یہ اقدام اسلامی دنیا کے مختلف خطوں سے آنے والے لاکھوں زائرین کے لیے اہمیت رکھتا ہے، تاکہ وہ اپنے روحانی سفر کو بہتر انداز میں مکمل کر سکیں اور مسجد نبویؐ کی برکتوں سے بھرپور فائدہ اٹھا سکیں۔