پاکستانی ٹک ٹاکر جنت مرزا نے ہالی وڈ کی سپر ہٹ رومانوی فلم ’ٹائیٹینک‘ کے کردار ’روز‘ کے مشہورِ زمانہ لُک کو اپنا کر سب کی توجہ حاصل کرلی۔

جسطرح فلم بینوں کے دلوں میں ’ٹائیٹینک‘ راج کرتی ہے اسی طرح جنت مرزا پاکستان میں ٹک ٹاک کی دنیا میں راج کر رہی ہیں اور 25 ملین فالوورز کے ساتھ ٹک ٹاک پر سب سے زیادہ فالو کی جانے والی پاکستانی شخصیت کا اعزاز اپنے نام کیے بیٹھی ہیں۔

جنت مرزا نے فوٹو اینڈ ویڈیو شیئرنگ ایپ انسٹاگرام پر اپنی چند تصاویر اور ویڈیو جاری کی جس میں وہ سیاہ گاؤن پہنی نظر آئیں جبکہ انہوں نے گلے میں سبز و سفید نگوں کا ہار پہنا اور اپنی زلفوں کو اونچے جوڑے میں باندھا۔

اس لُک کو جہاں متعدد سوشل میڈیا صارفین کی جانب سے بے حد پسند کیا گیا وہیں متعدد اسے فلم ’ٹائیٹینک‘ کی ’روز‘ کی سستی نقل قرار دیتے دکھے۔

ایک سوشل میڈیا صارف نے لکھا کہ ’ یہ خود کو ٹائیٹینک کی روز سمجھ رہی ہے‘ ، جس پر جنت مرزا نے لکھا کہ ’ نہیں لڑکی میں ایسا نہیں سمجھ رہی، پُرسکون ہوجاؤ‘۔

واضح رہے کہ فلم ‘ٹائی ٹینک’ جیمز کیمرون کی ہدایتکاری میں بنی اور 1997 میں ریلیز ہوئی، فلم میں لینارڈو ڈی کیپریو نے ’جیک ڈاؤسن‘ نامی لڑکے کا کردار ادا کیا تھا جو ایک غریب نوجوان تھا اور پوکر گیم میں ٹائی ٹینک کا ٹکٹ جیت جاتا ہے اوربوٹ میں سوار ہو جاتا ہے جہاں وہ خوبرو اداکارہ کیٹ ونسلیٹ بطور ’روز‘ نامی حسین ترین و امیر نوجوان لڑکی سے جاملتا ہے اور یہ ایک ملاقات ان کے درمیان محبت کا بیج بو دیتی ہے جو آگے چل کر شدت اختیار کرجاتا ہے۔

پاکستانی اداکار آغا علی نے  یک طرفہ محبت پر اپنے خیالات کا اظہار کرتے ہوئے اس نظریے کو بھونڈا قرار دے دیا۔

آغا علی نے مئی 2020 ء میں ساتھی اداکارہ حنا الطاف سے خاموشی سے شادی کی تھی لیکن اب دونوں کی طلاق کی غیرتصدیق شدہ خبریں عام ہوچکی ہیں۔

آغا علی حنا الطاف سے قبل سارہ خان کے ساتھ محبت کے رشتے میں بندھے ہوئے تھے اور شادی بھی کرنے والے تھے لیکن نامعلوم وجوہات کی وجہ سے دونوں ک پریک اپ ہوگیا اور سارہ نے گلوکار فلک شبیر سے شادی کرلی۔

ان دنوں سوشل میڈیا پر آغا علی کے عمران اشرف کے ٹاک شو ’مذاق رات‘ میں دیے گئے انٹرویو کی ویڈیوز زیرِ گردش ہیں جن میں وہ مختلف موضوعات پر گہری باتیں کرتے دکھائی دے رہے ہیں۔

ایک ویڈیو میں آغا علی نے کہا کہ ’یک طرفہ محبت اسی حالت میں ہوسکتی جب جس شخص سے آپ محبت کرو وہ اس دنیا میں ہی نہ ہو کیونکہ وہ شخص دنیا میں ہے جس سے آپ یک طرفہ محبت کرتے ہیں تو اس سے زیادہ بھونڈا کام کوئی اور ہونہیں سکتا‘۔

انہوں نے کہا کہ ’وہ ساری باتیں کہ یک طرفہ محبت پر صرف میرا حق ہوتا ہے تو اس کا مطلب یہ ہوتا ہے کہ ایک بندہ اپنی زندگی میں خوش ہے اور آپ ایسے شخص کیلئے کسی کونے میں بیٹھ کر رو رہے ہیں اور اس شخص کو آپ کی پرواہ نہیں ہے‘۔

انہوں نے مزید کہا کہ ’ ہاں اگر کوئی ایسا شخص ہے جو بدلے میں تمہیں پیار دے سکتا ہے تو اس کے لیے مر جاؤ، مٹ جاؤ سب کر جاؤں تب یہ بات سمجھ آتی بھی ہے‘۔

پاکستان شوبز انڈسٹری کی شوخ و چنچل اداکارہ ہانیہ عامرکی  وجہ شہرت یوں تو اداکاری کے ساتھ سوشل میڈیا پوسٹس بھی ہیں جن سے وہ مداحوں کے دلوں کو لبھاتی نظر آتی ہیں،لیکن انکا نام کسی اسکینڈل کا حصہ نہ بنے  ایسا اب شاید ممکن نہیں رہا۔

ہانیہ عامر اور بادشاہ کے تعلقات:

گزشتہ کئی عرصے سے ہانیہ عامر کی گونج نہ صرف پاکستان بلکہ حریف ملک بھارت میں بھی سنائی دے رہی ہے کبھی انکا نام بھارتی ریپر و گلوکار ’بادشاہ’ سے جوڑا جاتا ہے تو کبھی وہ اپنی کسی کلاس فیلو سے محبت کا اظہار کرتی سنائی دیتی ہیں۔

’میرے ہمسفر’ کی اداکارہ ہانیہ عامر نے حال ہی میں گلوکار ریپر سے متعلق تعلقات کی چہ مگوئیوں پر لب کشائی کرتے ہوئے انہیں محض اپنا ایک اچھا دوست قرار دیا جبکہ اسی دوران انکا نام  متنازع پوسٹ کے سبب گلوکارہ مومنہ مستحسن کے بھائی حیدر مستحسن کے ساتھ بھی جوڑا جانے لگا ۔

ہانیہ عامر اور حیدر مستحسن کے افیئر کی گونج:

یہ کہانی بھی کسی پراجیکٹ کے تشہری مہم کا حصہ نکلی لیکن اس کے باوجود دل پھینک، اور دوستانہ مزاج کی مالک ہانیہ عامر کے نئے افیئر نے سر اٹھالیا جس میں اداکار نعمان اعجاز کے بیٹے زاویار نعمان کا نام شامل تھا جو ہانیہ عامر کیساتھ مشترکہ پراجیکٹ کا حصہ رہے  ہیں۔

ہانیہ عامر اور زاویار نعمان کے چرچے:

مختلف ایونٹس ہوں یا کوئی فوٹو شوٹ ہانیہ اور زاویار کا نام ایک ساتھ جڑنے کے بعد مداح جلد اس جوڑے کی شادی کی خواہش کرتے نظر آئے۔

ان تمام تر اسکینڈلز کے بعد اب ہانیہ عامر کا نام ایک ایسے شخص کیساتھ جوڑا جانے لگا جو حال ہی میں رشتہ ازدواج میں منسلک ہوئے ہیں۔

سوشل میڈیا انفلوئنسر اور کانٹنٹ کریئٹر حرا بلیح کی ان دنوں سوشل میڈیا پر دھوم مچی ہوئی ہے لیکن ان تقریبات میں جو نام موضوع بحث بنا وہ اداکارہ ہانیہ عامر کا تھا۔

ہانیہ عامر اور عاصم اظہر کا تعلق:

ہانیہ عامر کے محبت کا چیپٹر یہاں بھی ختم نہیں ہوا بلکہ انکا نام گلوکار عاصم اظہر کیساتھ بھی خبروں کی سرخیوں میں جگہ بناچکا ہے۔

ماضی میں ہانیہ عامر کا نام گلوکار عاصم اظہر سے جوڑا جاتا رہا ہے اور ان کے درمیان اختلافات کی خبریں بھی آتی رہیں ۔

حالانکہ یہ دونوں سوشل میڈیا پر ایک دوسرے کو بہترین دوست قرار دیتے تھے اور دونوں دبے الفاظ میں ایک دوسرے پر تنقید بھی کرتے رہےہیں لیکن اس کے باوجود  دونوں کے تعلقات کے حوالے سے ماضی میں سوشل میڈیا پر ان کی منگنی کی افواہیں بھی پھیلیں،

لیکن دونوں نے سوشل میڈیا پوسٹس کے ذریعے ایک دوسرے سے تعلقات کا خاتمہ کرنے کا اعلان کیا ۔

اب عاصم اظہر نے اداکارہ میرب علی سے منگنی کرلی ہے۔

ہانیہ عامر اور بیرسٹر حسن علی کا ماضی کا افیئر:

حرا بلیح اور بیرسٹر حسن علی کی شادی کی تصاویر پر سوشل میڈیا صارفین یہ دعویٰ کرتے نظر آئے کہ حرا بلیح کا انتخاب کرنے سے قبل حسن علی ہانیہ عامر میں دلچسپی رکھتے تھے۔

ریڈٹ پر گردش کرنے والے تبصروں کے مطابق حسن علی نے انسٹاگرام اکاؤنٹ ہر کئی بولڈ ماڈلز کو فالو کیا ہوا ہے جبکہ انکے ماضی میں بھی کئی لڑکیوں کیساتھ تعلقات قائم تھے جن میں ایک نام اداکارہ ہانیہ عامر کا بھی موجود ہے۔

صارفین کا یہ بھی دعویٰ ہے کہ حسن علی دل پھینک  ہیں اور  یہی وجہ ہے کہ انکی انسٹا فیڈ بھی بولڈ ڈریسنگ میں ملبوس ماڈلز سے بھری ہوئی ہیں۔

جبکہ حسن علی کے انسٹاگرام اکاؤنٹ پر نظر ڈالی  جائے تو کئی لڑکیوں کے علاوہ اداکارہ  ہانیہ عامر کا حسن علی فالو کو کرنا اور انکے ساتھ تصاویر بنوانا ماضی کی کہانی کی جانب اشارہ دیتا معلوم ہورہا تھا۔

ریڈٹ پر موجود ایک صارف نے یہ دعویٰ کیا ہے کہ ’ہانیہ عامر اور حسن علی اس وقت سے تعلقات میں ہیں جب ہانیہ عامر انڈسٹری سے کوسوں دور تھیں لیکن ڈراما سیریل ’پرواز ہے جنون’ میں اداکاری کے بعد وقت نے ایسا پلٹا کھایا یہ ان دونوں نے محض دوستی کے علاوہ اپنے تمام تر تعلقات کو الوداع کہہ دیا۔

اسی کے ساتھ ایک اور صارف نے تہلکہ خیز دعویٰ کرتے ہوئے لکھا کہ’میں تصدیق کر سکتا ہوں۔ حسن اور ہانیہ 2014/15 میں ڈیٹنگ کر رہے تھے۔ اور انکے پاس ابھی بھی ہانیہ عامر کی چند تصاویر موجود ہیں‘۔

اس بات میں کتنی سچائی ہے اگر جاننا چاہیں توحسن خان نے 28 جولائی 2019 کو انسٹاگرام پر ایک پوسٹ جاری کی جس میں ہانیہ عامر کو انکے کاندھے پر ہاتھ رکھے پوز دیتے دیکھا گیا۔

جبکہ اس سے قبل 11 فروری 2018 کو سامنے آنے والی متنازع پوسٹ بھی قابل توجہ تھی، اس پوسٹ میں ہانیہ عامر اور حسن خان موجود تھے جسے دیکھنے کے بعد سوشل میڈیا صارفین کا کہنا ہے کہ ہانیہ عامر کے اتنے قریب کیوں ہیں؟

6 اگست 2016 میں بھی سامنے آنے والی پوسٹ میں بھی ہانیہ اور حسن کو ایک ساتھ دیکھ کر پرفیکٹ کپل کے نعرے بلند ہوتے سنائی دیے۔

اگر چہ حسن علی اور  ہانیہ عامر کی جانب سے ان افیئرز کی کوئی تصدیق یا تردید نہیں کی گئی ہیں لیکن حرا بلیح سے شادی کرنے کے باوجود ماضی کے اس ممکنہ  افیئر کی گونج تاحال سنائی دے رہی ہے۔

بالی وڈ کے ٹال، ڈارک اینڈ ہینڈسم ایکٹر وکی کوشال ‘ کی فلم ‘بیڈ نیوز‘ میں معروف پنجابی گلوکار ‘کرن اوجلا‘ کا گایا ہوا گانا ‘توبہ توبہ‘ ریلیز ہوتے ہی وائرل ہوگیا۔

گانے توبہ توبہ میں وکی کوشال کے ہمراہ اداکارہ ترپتی دمری کو بھی دیکھا جاساکتا ہے لیکن بالی وڈ کی ہسٹری میں شاید ایسا پہلی بار ہوا ہے کہ گانے میں مداح ہیروئن سے زیادہ گانے کی ‘میل لیڈ‘ پر فوکس کررہے ہیں۔

اپنی ریلیز کے 24 گھنٹوں کے داران ہی ‘کرن کی آواز‘ اور ‘وکی کے ڈانس‘ نے تہلکہ مچادیا۔ فلم بیڈ نیوز کا پہلا گانا ریلیز ہوتے ہی سوشل میڈیا پر ٹرینڈ کرنے لگا۔

ایک جانب جہاں مداح  وکی کوشال کے گرووی ڈانس مووز کے سحر سے باہر نہیں آپا رہے وہیں دوسری جانب بالی وڈ کے ‘چاکلیٹی اداکار ریتیک روشن‘ بھی وکی کوشال کے گرویدہ ہوگئے۔

وکی کوشال کی جانب سے جاری  فوٹو اینڈ ویڈیو شیئرنگ ایپ انسٹاگرام پر گانے ‘توبہ توبہ‘ کی ویڈیو کے کمنٹ سیکشن میں ریتیک روشن نے وکی کوشال کی جانب سے کیے جانے والے ‘بٹر ڈانس‘ پر تبصرہ کر ڈالا۔

انسٹاگرام پر وکی کوشال کی پوسٹ پر کمنٹ کرتے ہوئے اداکار ریتیک روشن نے لکھا، “بہت خوب وکی گانے میں آپ چھا گئے‘۔

بالی وڈ کے کرسماتی اداکار کی جانب سے تعریف کیے جانے پر کمنٹ سیکشن میں وکی کوشال کو  جذباتی ہوتے ہوئے محسوس کیا جاسکتا ہے۔

 اداکار نے ریتیک روشن کے کمنٹ کا جواب دیتے ہوئے لکھا کہ ‘آپ نہیں جانتے آپ کو اندازہ بھی نہیں ہے کہ آپ کی جانب سے کیا جانے والا یہ کمنٹ میرے لیے کتنا معنٰی خیز ہے‘۔

واضح رہے ‘توبہ توبہ‘فلم ‘بیڈ نیوز کا گانا ہے جس کی ہدایت کاری آنند تیواری نے کی ہے جبکہ فلم کو مشترکہ طور پر ہیرو یش جوہر، کرن جوہر، اپوروا مہتا، امرت پال سنگھ بندرا اور تیواری نے پروڈیوس کیا ہے۔

فلم 19 جولائی کو سینما گھروں میں ریلیز کیلئے پیش کی جائے گی۔