پیرس اولمپکس میں پاکستان کیلئے 40 سال بعد گولڈ میڈل جیتنے والے اولمپئین ارشد ندیم نے 100 لیپ ٹاپس طلبا کو دینے کا اعلان کردیا۔

کراچی میں گورنز سندھ کے ہمراہ پریس کانفرنس کرتے ہوئے گولڈ میڈلسٹ ارشد ندیم نے کہا کہ محنت سے پوری قوم کی دعاؤں کی وجہ سے کامیابی حاصل کرنے میں کامیاب ہوا، ایڈیشنل آئی جی پولیس، وزیراعلیٰ سندھ، میئر کراچی سمیت کراچی کے عوام کا شکر گزار ہوں جنہوں نے اتنی عزت دی اور حوصلہ افزائی کی۔

انہوں نے دوران کانفرنس کراچی کے طلبا کیلئے 100 لیپ ٹاپس مفت دینے کا اعلان کیا۔

ارشد ندیم نے کہا کہ وزیراعلیٰ پنجاب مریم نواز نے بھی میرے گاؤں آکر مجھے عزت بخشی، اسی طرح کراچی اور سندھ کے عوام نے بھی بڑا پیار دیا جن کا بےحد مشکور ہوں۔

اس موقع پر گورنر سندھ کامران ٹیسوری نے کہا کہ قومی ہیرو کی ایک جھلک دیکھنے لوگ گورنر ہاؤس میں جمع ہوئے پیار محبت عزت سے نوازا، 5 کروڑ سندھ حکومت بھی دے رہی ہے جبکہ گورنر ہاوس سے 10 کروڑ تک رقم جمع ہوئی۔ اولمپئین کی لائیو کوریج پر میڈیا کے کردار کو بھی سراہتے ہیں۔

قبل ازیں گزشتہ گورنر سندھ کامران خان ٹیسوری نے اولمپکس 2024 میں شاندار کارکردگی کا مظاہرہ کرنے والے ایتھلیٹ ارشد ندیم کو 20 لاکھ روپے اور پلاٹ اور اہل خانہ کو آئی فون 15 کا تحفہ دیا تھا۔

پاک فوج کے تعاون سے جنوبی وزیرستان میں کھیل کے میدانوں کی رونقیں بحال ہو رہی ہیں۔

جنوبی وزیرستان میں نوجوانوں میں مثبت تفریحی رجحان کو فروغ دینے کے لیے فٹبال ٹورنامنٹ کا انعقاد کیا گیا، جس میں کل 32 ٹیموں نے حصہ لیا۔

فٹ بال کے شائقین نے بڑی تعداد میں اس ٹورنامنٹ کی افتتاحی تقریب میں شرکت کی جس میں ملک، مشران اور نوجوان بھی شامل ہوئے ۔ علاقہ مکینوں کا کہنا ہے کہ اس طرح کے ٹورنامنٹ اور سرگرمیاں نوجوانوں کی صحت پر مثبت اثر ڈالتی ہیں۔

ٹورنامنٹ میں شریک کھلاڑیوں نے اس حوالے سے کہا کہ ہم پاک فوج کے بہت مشکور ہیں جن کی بدولت ہمیں اپنا ٹیلنٹ دکھانے کا موقع ملا۔ حاضرین نے جنوبی وزیرستان میں قیام امن اور نوجوانوں کے لیے صحت بخش تفریح مہیا کرنے پر پاک فوج کا شکریہ ادا کیا۔

لاہور: لاہور میں کوریئر آفس سے نیوزی لینڈ بھیجے جانے والے پارسل سے 235 گرام آئس برآمد کر لی گئی۔

انسداد منشیات فورس ( اے این ایف) کا منشیات اسمگلنگ کے خلاف کریک ڈاؤن جاری ہے۔ مختلف علاقوں میں کارروائیوں کے دوران 71 کلو منشیات برآمد کر کے 6 ملزمان کو گرفتار کرلیا گیا۔ اسلام آباد کے قریب 26 نمبر چونگی کے قریب 30 کلو چرس، 12 کلو افیون، 2 عدد 30 بور کے پستول، 4 میگزین اور 200 گولیاں برآمد کرلی گئیں۔ ایم ون اسلام آباد کے قریب دو کاروائیوں میں دو ملزمان سے 800 گرام چرس، 250 گرام ہیروئن اور 100 گرام آئس برآمد کرلی گئی۔

اے این ایف کے مطابق لاہور میں کوریئر آفس سے نیوزی لینڈ بھیجے جانے والے پارسل سے 235 گرام آئس برآمد ہوئی جبکہ پشین میں گاڑی سے 24 کلو چرس اور 500 گرام آئس برآمد کر کے ملزم کو گرفتارکر لیا گیا۔ ایم ایم روڈ میانوالی پر موٹر سائیکل سوار سے 3.3 کلو چرس برآمد ہوئی۔ گرفتار ملزمان کے خلاف انسداد منشیات ایکٹ کے تحت مقدمات درج کر کر تحقیقات کا آغاز گیا ہے۔

لاہور: لاہور میں بیوی پر تشدد کرنے والے شوہر اور سسرالیوں کو گرفتار کرلیا گیا۔

ترجمان سیف سیٹیز کے مطابق لاہور کے علاقے ملت پارک سے خاتون پر تشدد کی کال موصول ہوئی۔ شوہر اور سسرالیوں کے تشدد سے خاتون کے سر پر شدید چوٹ آئی اوروہ بیہوش ہو گئیں۔ خاتون کی بہن نے ورچوئل ویمن پولیس اسٹیشن کال کرکے تشدد بارے اطلاع دی۔

ترجمان کے مطابق ورچوئل ویمن پولیس اسٹیشن نے پولیس کو موقع پر روانہ کیا اور خاتون کو اسپتال منتقل کروایا۔ تشدد کا شکار خاتون کے شوہر اور شوہر کے بھائی کو گرفتار کرلیا گیا۔ ملزمان کے خلاف قانونی کارروائی شروع کردی گئی ہے۔ خواتین ویمن سیفٹی ایپ ،15 کال یا چیٹ کے ذریعے فوری پولیس سے رابطہ کر سکتیں ہیں۔

لاہور: پاکستان اور انڈیا کے 78 ویں یوم آزادی پر واہگہ/اٹاری بارڈر پر امن کی شمعیں روشن کی گئیں۔

14 اور15 اگست کی درمیانی شب سول سوسائٹی اورپاک بھارت دوستی،امن کے لئے سرگرم تنظیموں نے واہگہ/اٹاری بارڈر پرامن اورمحبت کے گیت گائے شمعیں روشن کی گئیں۔

پاکستان اور بھارت کی مشترکہ سرحد واہگہ /اٹاری بارڈر پر دونوں ملکوں کے امن اوردوستی پسند کارکنوں نے اپنے اپنے ملک کی حدود میں شمعیں روشن کیں اور ان لاکھوں لوگوں کی قربانیوں کو یاد کیا جو 1947 میں ہجرت کے دوران مارے گئے تھے۔

ساؤتھ ایشیا فری میڈیا ایسوسی ایشن (سیفما ) کے درجنوں کارکنان جن میں خواتین بھی شامل تھیں واہگہ بارڈر پہنچے جہاں رات گیارہ سے ایک بجے تک شمعیں روشن کی گئیں۔

اس موقع پر سینیئرصحافی امتیاز عالم، انسانی حقوق کے کارکن فاروق طارق، دیپ سعیدہ سمیت درجنوں کارکنان موجود تھے۔ کارکنان نے ہاتھوں میں شمعیں اٹھائے امن اوردوستی کے گیت گائے۔

واہگہ /اٹاری بارڈر پر امن کی شمعیں روشن کرنے کا آغاز 1996 میں انڈیا کے معروف صحافی کلدیپ نئیر نے کیا تھا۔ بھارت کی امن پسند تنظیمیں ہرسال اٹاری بارڈر پر 14 اور 15 اگست کی درمیانی شب شمعیں روشن کرتی رہی ہیں تاہم پاکستان کی طرف سے گزشتہ چند برسوں سے یہ سلسلہ منقطع ہو گیا جسے ایک بار پھرسے بحال کردیا گیا ہے۔

سول سوسائٹی کے کارکنوں کا کہنا تھا پاکستانی اتھیلیٹ ارشد ندیم اوربھارتی اتھلیٹ نیرج چوپڑا کی والدہ کے حالیہ بیانات نے پاکستان اور بھارت کے مابین امن اوردوستی کی ایک نئی امید پیدا کی ہے۔ خطے میں استحکام، معاشی خوشحالی اور امن کے لئے پاکستان اور بھارت کو مل بیٹھ کر تنازعات کو حل کرنے کی ضرورت ہے۔

ذرائع کا یہ بھی کہنا ہے کہ سیکیورٹی حکام کی طرف سے پاکستان کی سول سوسائٹی کو کئی برس بعد واہگہ بارڈر پر شمعیں روشن کرنے کی تقریب کے انعقاد کی اجازت دینا اس بات کی طرف اشارہ ہے کہ دونوں ملکوں کے مابین سفارتی تعلقات بہتر ہونے کی طرف جارہے ہیں۔

اسلام آباد: ملک بھر میں کی گئی کارروائیوں میں ایک سال کے دوران 1047 میٹرک ٹن منشیات برآمد کرکے ملزمان کو گرفتار کرلیا گیا۔

پاکستان کو نشے کی لعنت سے پاک کرنے کے لیے حکومت اور عسکری اداروں کی جانب سے انسداد منشیات آپریشنز اور گھناؤنے کام میں ملوث عناصر کے خلاف سخت کریک ڈاؤن کا سلسلہ جاری ہے، اس دوران ایک سال میں (ستمبر 2023ء سے اب تک) مختلف آپریشنز کے دوران متعلقہ اداروں نے 1047 میٹرک ٹن منشیات ضبط کرکے 1725 منشیات فروشوں کو گرفتار کیا۔

ستمبر 2023ء سے اب تک ملک بھر سے 3.55 میٹرک ٹن ہیروئن جب کہ 46.53 میٹرک ٹن ہشیش برآمد کی جاچکی ہے ۔ اس کے علاوہ سکیورٹی فورسز نے 3.71 میٹرک ٹن میتھ، 8.95 میٹرک ٹن افیون اور 984.73 میٹرک ٹن دیگر منشیات ضبط کیں۔

سکیورٹی فورسز نے اگست میں خیبر پختونخوا سے 162 کلو،شمالی علاقہ جات سے 54.52 کلو، پنجاب سے 93.39 کلو جب کہ سندھ سے 2.9 کلو منشیات ضبط کیں۔

ملک کو منشیات سے مکمل پاک کرنے کے لیے متعلقہ ادارے اپنی کاروائیاں جاری رکھنے کے لیے پُرعزم ہیں۔

کوئٹہ: وزیراعلیٰ بلوچستان سرفراز بگٹی نے کہا ہے کہ صوبے میں احتجاج کی آڑ میں بے امنی پیدا کرانے کی کوششیں کی جا رہی ہیں۔

پریس کانفرنس کرتے ہوئے انہوں نے کہا کہ پورےپاکستان کوجشن آزادی کی مبارکباد دیتا ہوں۔ سکیورٹی فورسز دہشت گردی کے خاتمے کے لیے کوشاں ہیں، تاہم ریاست کے خلاف منظم سازش کےتحت واقعات ہورہے ہیں۔ بلوچستان میں احتجاج کےنام پر بے امنی پیداکرنےکی کوشش ہورہی ہے۔

انہوں نے کہا کہ ڈی سی پنجگور ذاکر بلوچ کوبےدردی سےشہیدکیاگیا، جس کی مذمت کرتا ہوں۔ شہیدڈپٹی کمشنرکےبچوں کی تعلیم کےاخراجات حکومت برداشت کرے گی۔ شہیدذاکربلوچ کی فیملی کوتنہانہیں چھوڑیں گے۔

سرفراز بگٹی کا کہنا تھا کہ کل ہم نے21نادراسینٹرزکاافتتاح کیا ہے۔ ہماری حکومت ریفارمزایجنڈاپرکام کررہی ہے۔ ہم مزدوروں کے500بچوں کوتعلیم کے لیے اسلام آباد بھیج رہے ہیں۔ مزدورکابیٹابھی تعلیم حاصل کرکےملکی ترقی میں حصہ لے گا۔ انہوں نے بتایا کہ چمن میں ٹرانسپورٹرزکامسئلہ حل کردیاگیاہے۔