راولپنڈی: عوامی مسلم لیگ کے سربراہ شیخ رشید احمد نے کہا ہے کہ مجھے قتل کی دھمکیاں دی جا رہی ہیں، لیکن میں حق پر کھڑا ہوں جو مرضی کرلیں۔

اپنے وڈیو بیان میں سابق وزیر داخلہ شیخ رشید کا مزید کہنا تھا کہ حکومت کا وقت ختم ہوچکا ہے، اپنا بوریا بستر باندھ لے ۔ حکومت نفرت کی علامت بن چکی ہے، سکیورٹی کے بغیر ملک کے کسی حصے میں نہیں جاسکتے ۔ حکمرانوں کی تصویریں قابل نفرت بن چکی ہیں۔

انہوں نے کہا کہ میرا جرم یہ ہے کہ میں نے ایک شخص اور اس کی بیوی کے خلاف بیان نہیں دیا ۔ 40 روز کا چلہ کاٹ لیا، دوستی قبروں تک نبھاتا ہوں۔ حق اور سچ پر ڈٹا رہوں گا جو مرضی کر لیا جائے۔

شیخ رشید نے کہا کہ 55 سال سے جشن آزادی منارہے ہیں اس سال پابندی لگائی گئی۔ ڈپٹی کمشنر کہتا ہے تم کراؤڈ پُلر ہو لوگ بہت آئیں گے، جلسہ نہیں ہونے دوں گا۔ ڈپٹی کمشنر نے لال حویلی جشن آزادی جلسہ اور آتش بازی پر پابندی لگا دی۔ 13 اگست رات 9 بجے مجھے لال حویلی چھوڑنے کا حکم دیا گیا ۔ پولیس نے لال حویلی کو گھیر لیا تھا ہم صرف ملی نغمے ترانے پڑھنا چاھتے تھے۔ لال حویلی کے اطراف اورسامنے 8 ، 10 ہزار لوگ جلسے کے بغیر جمع ہوگئے تھے۔

انہوں نے کہا کہ مجھے اب قتل کی دھمکیاں دی جارہی ہیں ۔ پیپلز پارٹی نے میرے بیان کے خلاف سپریم کورٹ میں اپیل کی ہے۔ قانون ہے کہ جہاں کوئی واقعہ ہو وہیں مقدمہ ہوتا ہے۔ میرے خلاف سندھ بھر میں مقدمات درج کرادیے گئے۔ جشن آزادی کے دن اس اپیل کی مجھ سے تعمیل کرائی گئی ہے۔ خوفزدہ نہیں ہوں، ڈٹ کر کھڑا ہوں۔ مجاز متعلقہ ادارے فسطائیت کا نوٹس لیں۔

اسلام آباد: تھانہ شہزاد ٹاؤن میں ڈاکوؤں نے گھر میں ڈکیتی کے دوران مزاحمت پر نوجوان کو قتل کردیا۔

ایکسپریس نیوز کے مطابق واقعہ تھانہ شہزاد ٹاؤن کی حدود میں واقع سدرہ ٹاؤن میں پیش آیا جس میں ڈاکو رات گئے تالا توڑ کر ایک گھر میں داخل ہوئے تو شہری محمد زبیر نے مزاحمت کی، ڈاکوؤں نے زبیر پر فائر کیا جس سے وہ جاں بحق ہو گیا۔

شہزاد ٹاؤن پولیس کے عدم تعاون پر ورثا نے ترامڑی چوک میں احتجاج کیا اور لاش کو چوک پر رکھ کر تینوں اطراف سے بند کردیا، مظاہرین نے شہزاد ٹاؤن پولیس کے خلاف نعرے بازی بھی کی۔

پشاور: خیبر پختونخوا میں 14 سے 18 اگست تک مون سون بارشوں کی پیش گوئی کے بعد ممکنہ سیلابی صورتحال کے پیش نظر این ڈی ایم نے متعلقہ محکموں کو الرٹ جاری کر دیا۔

این ڈی ایم اے کے مطابق بارش کے باعث شہروں اور پہاڑی علاقوں میں سیلابی صورتحال اور ندی نالوں میں پانی کے بہاؤ میں اضافہ متوقع ہے۔

واضح رہے کہ محکمہ موسمیات نے ہزارہ، مالاکنڈ ڈویژن، پشاور، بنوں، ڈی آئی خان، ہنگو، ہری پور، کوہاٹ، کرم، لکی مروت، مہمند، اورکزئی اور وزیرستان کے علاقوں میں مزید بارشوں کا امکان ظاہر کیا ہے۔

پاکستان میں آج 78واں یومِ آزادی ملی جوش و جذبے کے ساتھ منایا جا رہا ہے جس کے پیشِ نظر ملک کو سبز و سفید پرچم ، جھنڈیوں و لائٹس سے سجا دیا گیا ہے۔

قائدِ اعظم محمد علی جناح کی قیادت میں پاکستان 14 اگست 1947 کو دنیا کے نقشے پر ایک آزاد ملک کے طور پر ابھرا۔

یہ ہمارے آباؤاجداد کی جدوجہد اور ان گنت قربانیوں کا نتیجہ ہے کہ آج ہم ایک آزاد مملکت کے باشندے ہیں۔

اس یادگار اور خاص دن کو پاکستانی ہی نہیں بلکہ بیرون ملک مقیم پاکستانی بھی ملی جوش و جذبے کے ساتھ مناتے ہیں۔

پہلے آزادی کا جشن گلی محلوں، سڑکوں اور اداروں میں دیکھنے کو ملتا تھا لیکن اس جدید دور میں ایک خاص جشن کا طریقہ بھی وجود میں آچکا ہے جو سوشل میڈیا سیلیبریشن ہے اور سوشل میڈیا صارفین اپنے خاص لمحوں کا جشن منانے کیلئے مختلف تصاویر ، ویڈیوز اور پیغامات کا استعمال کر کے اس دن کو یادگار بناتے ہیں۔

جشنِ آزادی پر پاکستان کی معروف شخصیات نے بھی فوٹو اینڈ ویڈیو شیئرنگ ایپ انسٹاگرام پر پوسٹس اور اسٹوریز شیئر کیں اور پاک وطن سے اپنی محبت کا اظہار کیا۔

سیلیبریٹیز کی پوسٹس یہاں دیکھیں: