پاکستان ویمن کرکٹ ٹیم کے اوپننگ بیٹر سدرہ امین کے والد انتقال کرگئے۔
سوشل میڈیا پلیٹ فارم فیس بُک اکاؤنٹ پر قومی ویمن کرکٹر نے اپنے والد کے انتقال کی خبر مداحوں کیساتھ شیئر کی اور ساتھی کرکٹرز سے والد کی مغفرت کیلئے دعا کی درخواست کی۔
سدرہ امین نے اپنی پوسٹ کے کیپشن میں لکھا کہ اللہ تعالیٰ میرے والد کی مغفرت فرمائے اور انہیں جنت الفردوس میں اعلیٰ مقام عطا فرمائے، ان شاء اللہ!۔
کرکٹر کے والد کی نمازِ جنازہ آج دوپہر 2 بجے ادا کی جائے گی، جس میں قریبی رشتےدار و عزیز و اقارب شرکت کریں گے۔
واضح رہے کہ کچھ روز قبل سدرہ امین رشتہ ازدواج میں منسلک ہوئیں تھی جس کی تصاویر و ویڈیوز خوب وائرل ہوئی تھی جبکہ انہوں نے اپنی شادی کی تصاویر سوشل میڈیا اکاؤنٹس پر بھی شیئر کی تھیں۔
