اپوزیشن و میڈیا تنطیموں کی مخالفت نظرانداز؛ سینیٹ نے بھی پیکا ایکٹ منظور کرلیا

ملک کے چھوٹے ائرپورٹس پر رونقیں لگیں گی، خواجہ آصف

اجلاس میں وقفہ سوالات کے دوران وزیر دفاع و ہوابازی خواجہ آصف  نے اظہار خیال کرتے ہوئے کہا کہ چترال کا ایئرپورٹ فعال ہے۔ پی آئی اے کے حالات قوم کے سامنے رہے ہیں، پی آی اے اب بحال ہورہی ہے۔ اب چھوٹے ایئرپورٹس پر رونقیں لگے گی، جہاز آنا جانا شروع ہوں گے۔ آنے والے دنوں میں چترال اور شمالی علاقہ جات میں فلائٹس شروع ہوں گی۔ نئے جہاز بھی لینے کی کوشش کررہے ہیں۔

انہوں نے کہا کہ ائیرلائنز نے درخواستیں دی ہیں، وہ چھوٹے ایئرپورٹس پر آپریٹ کریں گی۔

سینیٹر سیف اللہ ابڑو نے اظہار خیال کرتے ہوئے کہا کہ ہم ایٹمی ملک ہیں اور 3 اےٹی آرز ہیں ، ایک بند ہے۔ اس کے پرزے نہیں مل رہے۔ پی  آئی اے نہیں چل رہا تو مفت دے دیں تاکہ اے ٹی آرز مل جائیں۔ فلائٹ آپریشن کب شروع ہوگا ٹائم دیں۔

وزیر دفاع نے جواب دیا کہ پی آئی اے کے روٹس کھل رہے ہیں۔  یوکے کی ٹیم آئی ہوئی ہے وہ روٹ بھی کھل جائے گا۔ پی آئی اے کی نجکاری کی ایک کوشش ناکام ہوچکی ہے دوسری کی جارہی ہے۔ ابھی ان معاملات کو بہتر کرنے کے لیے کچھ وقت چاہیے۔

ڈیجیٹل نیشن پاکستان بل 2025ء کثرت رائے سے منظور

بعد ازاں سینیٹ میں ڈیجیٹل نیشن پاکستان بل منظوری کے لیے پیش کرنے کی تحریک وزیر قانون اعظم نذیر تارڑ نے پیش کی جسے منظور کرلیا گیا۔ اپوزیشن نے اس موقع پر ایوان میں احتجاج کیا۔ اور اسی دوران ڈیجیٹل نیشن پاکستان بل 2025ء  سینیٹ نے کثرت رائے سے منظور کرلیا۔