محکمہ موسمیات نے شہر قائد میں درجہ حرارت بڑھنے سے متعلق پیش گوئی کر دی ہے۔
محکمہ موسمیات ارلی وارننگ سینٹر پیش گوئی کے مطابق بدھ سے تیز دھوپ کے سبب حدت بڑھنے کا امکان ہے، بدھ کو کم سے پارہ 17 اور جمعرات کو 18 ڈگری ریکارڈ ہو سکتا ہے۔
کراچی میں زیادہ سے زیادہ درجہ حرارت 3 ڈگری اضافے سے 32 ڈگری سینٹی گریڈ تک تجاوز کر سکتا ہے۔
محکمہ موسمیات کا کہنا ہے کہ شہر میں رات کے اوقات میں خنکی بدستور برقرار رہ سکتی ہے جبکہ کل سے سمندر کی بند ہوائیں بھی فعال ہونے کی توقع ہے۔
کراچی کے علاوہ صوبے کے وسطی و بالائی اضلاع میں صبح کے وقت دھند پڑ سکتی ہے۔
