بھارت کے خلاف چیمپیئنز ٹرافی کے سیمی فائنل سے قبل آسٹریلیا نے ٹیم میں انجرڈ میتھیو شارٹ کی جگہ اہم اسپنر کو شامل کر لیا ہے۔
افغانستان کے خلاف میچ کے دوران میتھیو شارٹ انجری کا شکار ہوگئے تھے تاہم گروپ بی کا یہ میچ بارش کے باعث مکمل نہ ہوسکا تھا جس پر دونوں ٹیموں کو ایک ایک پوائنٹ دیا گیا۔
بائیں ہاتھ کے 21 سالہ اسپنر کوپر کونولی اسکواڈ کے ریزرو کھلاڑیوں میں پہلے سے شامل تھے جس کی وجہ سے وہ ٹیم کو فوری طور پر دستیاب ہیں۔
کوپر کونولی نے اب تک آسٹریلیا کی جانب سے محض تین ون ڈے میچز کھیلے ہیں تاہم میٹ شارٹ انجری کی سبب انکا انتخاب کیا گیا ہے۔
ٹیم مینجمنٹ نے سیمی فائنل کے لیے متبادل کے طور پر جیک فریزر میکگرک کا نام بھیجا تھا تاہم سلیکٹرز نے کوپر کونولی کا انتخاب کیا۔
واضح رہے کہ چیمپیئنز ٹرافی کا پہلا سیمی فائنل 4 مارچ کو بھارت اور آسٹریلیا کے درمیان دبئی میں کھیلا جائے گا۔
