ہوم گراؤنڈ پر نیوزی لینڈ کے ہاتھوں کلین سوئپ اور آسٹریلیا میں پے در پے شکستوں نے بھارتی ٹیم کے کپتان روہت شرما کے انٹرنیشنل کیرئیر کو اختتام پذیر کردیا ہے، وہ سڈنی ٹیسٹ میں ریٹائرمنٹ کا اعلان کردیں گے۔

پاکستانی ٹیم میں کپتانی کو لیکر جھگڑوں کی خبریں بنانے والے بھارتی میڈیا کا بتانا ہے کہ اب روہت شرما کے جانے پر کئی کھلاڑی سینئیر کی موجودگی کے باوجود قائدانہ کردار کے خواہشمند ہیں۔

میڈیا رپورٹس کے مطابق ٹیسٹ کپتان کے طور پر روہت شرما کے جانشین کی تلاش زوروں پر ہے تاہم مستقبل کے حوالے سے ابتک کوئی فیصلہ نہیں ہوسکا ہے، ٹیسٹ سیریز کے پہلے میچ میں روہت کی غیرموجودگی میں جسپریت بمراہ نے ٹیم کی کپتانی کے فرائض نبھائے تاہم روہت کے جانے پر ڈریسنگ روم میں متعدد کھلاڑی قائدانہ کردار کے خواہشمند ہیں۔

روہت شرما کی ریٹائرمنٹ کے بعد جسپریت بمراہ کو کپتانی دیئے جانے کا امکان کم ہے تاہم انڈین ایکسپریس نے اپنی رپورٹ میں انکشاف کیا ہے کہ ٹیم کے ایک مخصوص کھلاڑی نے ‘عبوری کپتانی’ اپنا نام بطور مسٹر فکس اِٹ تجویز کیا ہے تاکہ موجودہ صورتحال اور ڈریسنگ روم کے ماحول پر قابو پایا جاسکے۔

کپتانی کے عزائم ظاہر کرنے والےکھلاڑی سے ٹیم کے نوجوان قیادت کے امیدوار زیادہ متاثر نہیں ہیں۔

تاہم رپورٹ میں یہ نہیں بتایا گیا کہ مذکورہ عبوری کپتانی کا امیدوار کون ہے لیکن کھلاڑی ٹیم کے سینئرز پلئیرز میں شمار ہوتے ہیں۔

دوسری جانب طویل مدتی ٹیسٹ کپتانی کیلئے بمراہ واحد انتخاب ہوسکتے ہیں تاہم رشبھ پنت اور کے ایل راہول بھی کپتانی کیلئے فیورٹ دیکھائی دے رہے ہیں۔

پاکستان سپر لیگ (پی ایس ایل) کے دسویں ایڈیشن کیلئے غیرملکی پلئیر ڈرافٹس میں نامور آسٹریلوی کرکٹر ڈیوڈ وارنر بھی ابتدائی فہرست میں شامل ہوگئے۔

رواں برس انڈین پریمئیر لیگ (آئی پی ایل) کی جانب سے ٹھکرائے گئے آسٹریلوی اوپنر ڈیوڈ وارنر نے پاکستان سپر لیگ (پی ایس ایل) کے دسویں ایڈیشن کیلئے اپنا نام باضابطہ طور پر پلئیرز ڈرافٹ میں درج کروادیا ہے۔

قبل ازیں پی سی بی کے اعلیٰ حکام کو آسٹریلوی اسٹار ڈیوڈ وارنر، اسٹیو اسمتھ اور کیوی کرکٹر کین ولیمسن سے شرکت کی تصدیق کا انتظار کررہے تھے تاہم ابھی تک محض ایک کرکٹر نے اپنی آمد کی یقین دہانی کروائی ہے۔

اسی طرح کرس ووکس اور جونی بیئراسٹو کی شمولیت انگلش بورڈ کے این او سی سے مشروط ہوگی۔ بھارت کے سوا دیگر تمام ٹیسٹ ممالک کے کرکٹرز ڈرافٹ میں شریک ہیں، اسٹار کرکٹرز کو لیگ کی تاریخ میں سب سے زیادہ معاوضہ دیا جائے گا۔

دوسری جانب نیوزی لینڈ کے اسٹار پیسر ایڈم ملنے بھی غیرملکی پلئیر ڈرافٹس میں اپنا نام درج کروادیا ہے، انکے علاوہ دیگر کیوی کھلاڑیوں میں ڈیرل مچل، ٹم ساؤتھی اور مارٹن گپٹل کے نام سرفہرست ہیں۔

بھارت کے معروف کمنٹیٹر ہرشا بھوگلے نے قومی ٹیم کے وائٹ بال فارمیٹ کے نائب کپتان سلمان علی آغا کی تعریفوں کے پُل پاندھ دیے۔

اپنے یوٹیوب چینل پر گفتگو کرتے ہوئے بھارتی کمنٹیٹر ہرشا بھوگلے نے کہا کہ قومی ٹیم کے آل راؤنڈر سلمان علی آغا کی کارکردگی پر روشنی ڈالی۔

انہوں نے کہا کہ پاکستانی ٹیم میں سعود شکیل کا کردار نہایتی اہم ہے لیکن گزشتہ برس دورہ آسٹریلیا کے دوران سلمان آغا نے اپنی کارکردگی سے ثابت کیا ہے کہ وہ ایک بہترین آل راؤنڈر بننے کی صلاحیت رکھتے ہیں، وہ بالنگ کے علاوہ اچھی بیٹنگ بھی کررہے ہیں جسکا فائدہ متعدد مواقعوں پر گرین شرٹس کو ہوا ہے۔

گزشتہ برس وائٹ بال کرکٹ سے بابراعظم کے مستعفیٰ ہونے کے بعد سلمان آغا کو کپتان محمد رضوان کا نائب مقرر کیا گیا تھا، انکی کپتانی میں قومی ٹیم نے 1-2 سے سیریز جیتی۔

انہوں نے 2024 میں 9 ون ڈے میچز میں 209 رنز اور 11 وکٹیں بھی حاصل کیں تھی۔

اسی طرح 7 ٹیسٹ میچز میں 41.47 کی شاندار اوسط سے 454 رنز بنائے جس میں 4 نصف سنچریاں اور ایک سنچری شامل تھی۔

دسمبر 2024 میں جنوبی افریقا کے خلاف پہلے ون ڈے میں آل راؤنڈر نے 90 گیندوں پر 82 رنز کی ناقابل شکست اننگز کھیلی تھی جبکہ 4 وکٹیں لیکر پلیئر آف دی میچ کا اعزاز بھی حاصل کیا تھا تاہم انہوں نے اس میچ کا ایوارڈ اپنے نوجوان اوپنر صائم ایوب کو تھما دیا تھا، جنہوں نے اس جیت میں سینچری اسکور کی تھی۔

پروٹیز کے خلاف ون ڈے سیریز میں سلمان 81.50 کی شاندار اوسط سے 163 رنز بنا کر تیسرے سب سے زیادہ رنز بنانے والے کھلاڑی کے طور پر سامنے آئے تھے۔