کولمبو: سری لنکن کرکٹ ٹیم کے اہم بولر ونندو ہسارانگا آئی سی سی مینز ٹی ٹوئنٹی ورلڈ کپ سے باہر ہوگئے۔
سری لنکن اسٹار اسپنر ونندو ہسارانگا ہیمسٹرنگ انجری کے سبب آئی سی سی ٹی ٹوئنٹی ورلڈکپ سے باہر ہوئے۔
ہسارانگا کو اتوار کو آئر لینڈ کے خلاف میچ میں انجری ہوئی تھی۔
ونندو ہسارانگاکی جگہ بولنگ آل راؤنڈر دُشان ہمانتھا کو سری لنکن اسکواڈ میں شامل کیے جانے کا امکان ہے۔
واضح رہے کہ اتوار کو سری لنکا نے کولمبو میں ٹی ٹوئنٹی ورلڈکپ کےاپنے پہلے میچ میں آئرلینڈ کے خلاف 20 رنز سے کامیابی حاصل کی تھی۔
