پلیئر آف دی ٹورنامنٹ کیلئے نامزدگیوں کا اعلان،صاحبزادہ فرحان بھی شامل

آئی سی سی کی جانب سے پلیئر آف دی ٹورنامنٹ کیلئے نامزد کئے جانے والے کھلاڑیوں میں پاکستان کے صاحبزادہ فرحان بھی شامل ہیں۔

صاحبزادہ فرحان نے 7 میچز میں 76.60 کی اوسط اور 160.25 کے سٹرائیک ریٹ کے ساتھ 383 رنز بنائے جبکہ انہوں نے 6 اننگز میں 383 رنز بنا کر ٹی 20 ورلڈ کپ کے ایک ایڈیشن میں سب سے زیادہ رنز بنانے کا ریکارڈ بھی قائم کیا۔

اوپنر بلے باز صاحبزادہ فرحان نے سری لنکا اور نمیبیا کے خلاف سنچریاں سکور کیں، وہ ایک ٹی 20 ورلڈ کپ میں دو سنچریاں بنانے والے واحد بیٹر ہیں۔

آئی سی سی کی جانب سے انڈیا کے سنجو سیمسن بھی پلیئر آف دی ٹورنامنٹ کیلئے شارٹ لسٹ کئے جانے والوں میں شامل ہیں۔

اس کے علاوہ انگلینڈ کے ول جیکس، جنوبی افریقہ کے لونگی نگیدی اور ایڈن مارکرم بھی نامزدگیوں میں شامل ہیں جبکہ نیوزی لینڈ کے راچن رویندرا، ٹم سیفرٹ اور امریکا کے شاڈلے فن سکولویک کو بھی بہترین کھلاڑیوں میں نامزد کیا گیا ہے۔