واٹس ایپ میں ایک ایسے فیچر کا اضافہ کیا گیا ہے جو اس میسجنگ پلیٹ فارم میں اب تک دستیاب نہیں تھا۔
اگر آپ گوگل کروم میں انکوگینٹو موڈ کو استعمال کرچکے ہیں تو ایسا ہی فیچر اب واٹس ایپ کے اندر بھی صارفین کو دستیاب ہوگا۔
واٹس ایپ کی جانب سے انکوگینٹو چیٹس ود میٹا اے آئی نامی فیچر متعارف کرانے کا اعلان کیا گیا ہے۔
جیسا نام سے ظاہر ہے کہ اس سے آپ میٹا اے آئی چیٹ بوٹ سے واٹس ایپ کے اندر پرائیویٹ چیٹ کرسکتے ہیں۔
پرائیویٹ سے مراد یہ ہے کہ کوئی بھی میٹا اے آئی سے ہونے والی ایسی چیٹ پڑھ نہیں سکے گا، یہاں تک کہ میٹا کمپنی بھی نہیں۔
کمپنی نے مزید بتایا کہ یہ انکوگینٹو موڈ واٹس ایپ میں دستیاب دیگر اے آئی چیٹ بوٹس کے لیے دستیاب نہیں ہوگا اور ان کو تیار کرنے والی کمپنیاں صارفین کے سوالات اور جوابات کو دیکھ سکیں گی۔
کمپنی کے مطابق میٹا اے آئی سے انکوگینٹو چیٹس کو ایسے محفوظ ماحول میں پراسیس کیا جائے گا کہ میٹا کو بھی ان تک رسائی حاصل نہیں ہوگی۔
اس چیٹ میں بائی ڈیفالٹ تمام پیغامات خودکار طور پر غائب ہو جائیں گے۔
کمپنی نے بتایا کہ یہ فیچر متعارف کرانے کا سلسلہ شروع ہوگیا ہے اور بہت جلد صارفین کو دستیاب ہوگا۔
اس کے بعد اگلے مرحلے میں چند ماہ کے دوران سائیڈ چیٹ پروٹیکٹڈ بائی پرائیویٹ پراسیسنگ نامی فیچر متعارف کرایا جائے گا۔
سائیڈ چیٹس فیچر میں ہر چیٹ کے لیے انکوگینٹو موڈ میں استعمال کیا جاسکے گا جبکہ مرکزی بات چیت متاثر نہیں ہوگی یا محفوظ رہے گی۔
