اسلام آباد(ویب ڈیسک )شریف خاندان کے خلاف ریفرنسوں کی سماعت میں10 بجے تک وقفہ کردیا گیا۔ اسلام آباد کی احتساب عدالت میں سابق وزیراعظم نوازشریف، بیٹی مریم نواز اورکیپٹن صفدر عدالت میں پیش ہوئے۔ سابق جے آئی ٹی سربراہ واجد ضیاءریکارڈ کے ہمراہ عدالت نہ پہنچ سکے، جس کے باعث ریفرنسوں کی سماعت میں دس بجے تک وقفہ کردیا گیا۔نیب کے آخری گواہ جے آئی ٹی کے سربراہ واجد ضیاءآج اپنا بیان قلمبند کرائیں گے۔ بیان قلمبند ہونے پر مریم نواز اور کیپٹن صفدر کے وکیل امجد پرویز واجد ضیاءپرجرح کریں گے۔ نوازشریف کے وکیل خواجہ حارث 13 مارچ کو واجد ضیاءپرجرح کریں گے جب کہ واجد ضیاءکے بعد صرف نیب کے تفتیشی افسررہ جائیں گے اورتفتیشی افسرکا بیان سب سے آخرمیں قلمبند کیا جائے گا۔
