شارجہ (آئی این پی)پاکستان سپر لیگ (پی ایس ایل)میں آج آرام کا دن ہے کوئی میچ نہیں کھیلا جائیگا، لیگ میں (کل)اتوار کوایک میچ کھیلا جائیگا یہ میچ کوالیفائر میچ ہوگا۔ تفصیلات کے مطابق پی ایس ایل تھری کے سنسنی خیز مقابلے یو اے ای میں جاری ہیں۔ لیگ میں 30 لیگ میچز کھیلے جاچکے ہیں، کوالیفائر میچ دبئی میں کھیلا جائیگا۔
، اس کے بعد دو ایلیمینیٹر میچز سمیت فائنل میچ پاکستان میں کھیلے جائینگے۔ ایلیمینیٹر ون میچ قذافی سٹیڈیم، لاہور میں کھیلا جائیگا، ایلیمینیٹر ٹو بھی قذافی سٹیڈیم، لاہور میں کھیلا جائیگا۔ واضح رہے کہ لیگ کا فائنل میچ 25 مارچ کو نیشنل کرکٹ سٹیڈیم، کراچی میں کھیلا جائیگا۔
