اسلام آباد (مانیٹرنگ ڈیسک) سینئر سیاستدان جاوید ہاشمی نے کہا ہے کہ مجھے(ن) لیگ سے نکلوانے میں چودھری نثار کا ہاتھ تھا، مگر ان کو (ن) لیگ سے علیحدہ کرکے نقصان ہوگا۔نجی ٹی وی سے خصوصی گفتگو کرتے ہوئے جاوید ہاشمی کا کہناتھا کہ چودھری نثارنے خودکہامریم نوازکے ساتھ کام نہیں کریں گے جبکہ مجھے نہیں چودھری صاحب کے پاس کون سے راز ہیں؟میں چودھری نثارکوجانتا ہوں ان کااحترام ہے۔انہوں نے کہا کہ سابق وزیرداخلہ غصے میں ایسی باتیں کرجاتے ہیں لیکن ان کابیانیہ مختلف ہے جبکہ میری گفتگوکوسیاق وسباق سے ہٹ کرپیش کیاگیا حالانکہ میں 12 بارایم این اے بنا لیکن ایک بارٹکٹ کیلئے درخواست نہیں کی۔
