لاہور(شوبز ڈیسک)گلوکارہ نوراں لعل نے کہا کہ جب تک شادی ہالزمیں تقریبات کیلئے وقت میں اضافہ نہیں کیاجاتا،اس وقت تک ہمارے ملک میں گلوکاروں کی ترقی ممکن نہیں ہے۔ایک بیان میں انکا کہناتھاکہ موسیقی سے وابستہ فنکارلاکھوں کی تعدادمیں بے روزگاری کی چکی میں پس رہے ہیں لیکن انکاکوئی پرسان حال نہیں ہے۔میری حکومت سے اپیل ہے کہ وہ لاکھوں خاندان کے چولہے آبادکرنے کیلئے اپنے فیصلے پرنظرثانی کرے اورشادی ہالزکاوقت بھی سٹیج ڈراموں کی طرح ایک بجے رات تک کیاجائے تاکہ گلوکاروں اور سازندوں کو روز گارفراہم ہوسکے ۔نوراں لعل نے بتایامیں اپنے نئے میوزک البم پرکام کررہی ہو ں جسکے دوگیتوں کے ویڈیوبیرون ملک بنائے جائینگے۔
