فلسطینی بہادر لڑکی احد تمیمی کے قریبی رشتہ دا رنو جوان کو اسرا ئیلی فو ج نے گولیاں مار کر قتل کر دیا

غزہ (ویب ڈیسک)غیرملکی میڈیا رپورٹس کے مطابق مغربی کنارے کے قصبے نبی صالح میں اسرائیلی فوج نے سنگ بازی کے الزام میں 21 سالہ نوجوان کو گرفتار کرنے کے لیے گھر پر چھاپا مارا اور اس دوران نہتے فلسطینی کو شہید کردیا۔ رپورٹس کے مطابق ازدان تمیمی کو اسرائیلی جیل میں قید 18 سالہ عہد تمیمی کے گھر کے قریب فائرنگ کا نشانہ بنایا گیا۔فلسطینی سماجی رکن نے میڈیا کو بتایا کہ ازدان تمیمی نامی نوجوان کو اسرائیلی فوج نے کچھ فاصلے سے گردن میں تین گولیاں ماریں جس سے وہ شدید زخمی ہوا اور فوجیوں کے حصار میں ہی دم توڑ گیا جب کہ اس دوران امدادی ٹیمیں بھی وہاں موجود تھیں۔دوسری جانب اسرائیلی فوج نے دعوی کیا ہے کہ نوجوان کو دورانِ کارروائی پتھرو¿ا کرنے پر گولیاں ماری گئیں جب کہ نوجوان کو زخمی ہونے کے بعد پوری طبی امداد دی گئی تاہم وہ جانبرنہ ہوسکا۔