اسدشفیق مستقبل میں عمدہ پرفارم کرنے کےلئے پرعزم

لاہور(نیوزایجنسیاں) قومی کرکٹر اسد شفیق آئرلینڈ اور انگلینڈ کے خلاف ٹیسٹ میچز کی سیریز کھیلنے کے بعد وطن واپس پہنچ گئے۔انہوں نے سماجی رابطے کی ویب سائٹ پر شائقین کو واپسی کے بارے میں آگاہ کرتے ہوئے بتایا کہ ”پاکستان واپس آ گیا ہوں، اب رمضان المبارک کے آخری چند روز اپنی فیملی کے ساتھ گزاروں گا، انگلینڈ کے خلاف سیریز نہ جیتنے پر مایوسی ہوئی، آپ سے درخواست ہے کہ ہمیں اپنی دعاﺅں میں یاد رکھیں، آپ سب کا سربلند رکھنے کیلیے ہم اپنی بھرپور کوششیں جاری رکھیں گے۔“واضح رہے کہ آئر لینڈ اور انگلینڈ کے خلاف سیریز میں اسد شفیق کی کارکردگی ملی جلی رہی تھی، ہیڈ کوچ مکی آرتھر نے اسد شفیق اور اظہر علی کو کاﺅنٹی کرکٹ کھیلنے کا مشورہ دیا تھا تاہم کچھ مسائل کی وجہ سے اسد شفیق وطن واپس آ گئے ہیں۔