پاکستان میں کرکٹرزکی زیادہ قدرنہیں: طاہر شاہ ، ٹیم مینجمنٹ اور چند دوسری وجوہات نے احمدشہزاداورعمراکمل کوضائع کردیا : سابق کرکٹر ، سکاٹش ٹیم آسان نہیں ، میچ جیتنے کےلئے ٹیم کوسخت محنت درکار : وسیم خان کی چینل ۵ کے پروگرام ” گگلی“ میں گفتگو

لاہور (مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ احمد شہزاد اور عمر اکمل بہترین کھلاڑی تھے چینل ۵ کے پروگرام گگلی سے گفتگو کرتے ہوئے انہوں نے کہا کہ ٹیم منیجمنٹ کی شخصتیوں اور چند دوسری وجوہات نے ان کے ٹیلنٹ کو ضائع کردیا۔ پاکستان میں کھلاڑیوں کی قدر نہیں کی جاتی۔ بہر حال ٹی ٹونٹی کی ٹیم میں اچھے کھلاڑی موجود ہیں اسکاٹ لینڈ نے انگلینڈ کو شکست دے کر بتایا ہے کہ پاکستان کو مشکل ٹاسک کا سامنا ہوگا۔ ٹی 20اتنی آسان نہیں جتنا سمجھا جاتا ہے میچ ون ڈے ہو یا ٹی 20دونوں ہی دماغ کے کھیل ہیں پاکستان کو مکمل تیاری کے ساتھ میدان میں اترنا ہوگا۔ سابق فرسٹ کلاس کرکٹر وسیم خان نے کہا ہے کہ آئرلینڈ اور سکاٹ لینڈ کی ٹیمز کو ٹی 20کا اچھا تجربہ حاصل ہے اور اچھی کارکردگی کا مظاہرہ کرتے ہیں پاکستانی کرکٹ ٹیم کو اسکاٹ لینڈ کو ہلکا نہیں لینا چاہیے ٹی 20کے لحاظ سے پاکستان کی یٹنگ اور باﺅلنگ اچھی ہے سرفراز کی کپتانی سے مایوسی نہیں ہوگی۔ اسکاٹ لینڈ اور پاکستان دونوں ٹی 20میں ماہر ہیں دونوں کے مابین دلچسپ مقابلہ ہوگا۔ پاکستانی باﺅلنگ کو ابتدا میں ہی اسکاٹ لینڈ کو قابو کرلینا چاہیے۔