زہوہائی(آئی این پی) ڈبلیو ٹی اے ایلیٹ ٹرافی کے دوران جرمنی کی سابق نمبرون کھلاڑی سٹیفی گراف نوعمر کھلاڑیوں کی تربیت کیلئے ٹینس کورٹ میں پہنچ گئیں ۔ منتظمین نے ٹورنامنٹ کے دوران چیریٹی کلینک کا اہتمام کیا تھا جس میں سکولوں کے تیس سے زائد باصلاحیت کھلاڑیوں نے شرکت کی ۔ اس موقع پر ایونٹ ایمبیسڈر سٹیفی گراف نے بچوں کو کھیل کے بنیادی رموز سے آگاہ کیا جبکہ سپر فین مہم کے سلسلے میں ٹورنامنٹ کے بال پیکرز میں سے ایک بچے کو منتخب بھی کیا ۔ ٹینس کیمپ کے دوران سٹیفی نے ناصرف کھلاڑیوں کے ساتھ تصاویر بنوائیں بلکہ مداحوں کو آٹو گراف بھی دیئے ۔
