خانہ جنگی ہوجائیگی

لاہو ر(این این آئی )سربراہ پاکستان عوامی مسلم لیگ شیخ رشید احمدنے کہا ہے کہ پانامہ لیکس کے معاملے میں اگرسپریم کو رٹ سے بھی انصاف نہ ملا تو ملک میں خانہ جنگی ہو جائے گی، سپریم کو رٹ سے ہی انصاف کی امید ہے ، 2016ءنو ازحکومت کے خاتمے کا سال ہے ،میرا سیاسی استخارہ یہ کہتا ہے کہ جنرل راحیل شریف توسیع نہیں لیں گے ، اگر صرف نوازشریف کی جگہ متبادل وزیر اعظم آ جائے اور سارا نظام یونہی چلتا رہے تو پھر عمران خان کو اورمجھے کوئی فائدہ نہیں ، کیونکہ ہم تو چاہتے ہیں کہ میاں نوازشریف کی حکومت جائے ۔ نجی ٹی وی کو انٹر وےو کے دوران شیخ رشید احمد نے کہا کہ پانامہ لیکس کے معاملے میں اگرسپریم کو رٹ سے بھی انصاف نہ ملا تو ملک میں خانہ جنگی ہو جائے گی او رجمہوریت ایک تماشا بن جائے گی ،لیکن ہم پھر بھی کسی صورت پانامہ سے پیچھے نہیں ہٹیں گے ، سپریم کورٹ کی خواہش ہے کہ ملک کو تشدد اور انتشار سے بچایا جائے اس لیے مجھے سپریم کو رٹ سے ہی انصاف کی امید ہے ، 2016ءنو ازحکومت کے خاتمے کا سال ہے ۔ (ن) لیگ میں وزیر اعظم کے استعفیٰ کی تجویز زیر غور ہے ،صرف نو از شریف ہی نہیں بلکہ ان کی جماعت کے دوسرے لو گوں کا بھی ٹرائل ہو نا چاہیے ۔ڈان لیکس پانامہ لیکس سے بھی بڑا ایشو ہے ، یہ حکومت کے گلے پڑ چکا ہے اگر اس کو حکومت نے منطقی انجام تک نہ پہنچایا تو صورتحال مزید پریشان کن ہو سکتی ہے ۔انہوںنے کہاکہ میرا سیاسی استخارہ یہ کہتا ہے کہ جنرل راحیل شریف توسیع نہیں لیں گے ،2نومبر سے پہلے اسلام آباد میں حالات جتنے خراب ہو گئے تھے فوج مداخلت کر سکتی تھی لیکن فوج نے مداخلت نہ کرکے صرف اچھا ہی نہیں بلکہ بہت اچھا کیا کیونکہ اس سے صورتحال مزید خراب ہو سکتی تھی ۔عوامی مسلم لیگ کے سربراہ شیخ رشید نے کہا کہ عمران خان سی پیک منصوبے کے حامی ہیں۔ گوادر میں زیادہ کمپنیاں نواز شریف کی ہیں۔ نجی ٹی وی کے ساتھ گفتگو میں انہوں نے کہا کہ گوادر کا افتتاح چوتھی مرتبہ ہو رہا ہے۔ گوادر سنگاپور کی کمپنی سے لے کر چین کو دیا گیا۔ انہوں نے مزید کہا میں جوڈیشل کمیشن کا حامی نہیں تھا۔ تاہم موجودہ کمیپن پر اعتماد ہے۔ نواز شریف طیب اردگان کے شاگر ہیں اور چاہتے ہیں جو کچھ ترکی میں ہو رہا ہے پاکستان میں بھی جو یقیناً ہم عدالت سے اقتدار کے تابوت نکلیں گے۔ 2001ءمیں شریف خاندان کے پاس اربوں روپے کہاں سے آئے۔ فضل الرحمان میرے لیے قابل احترام ہیں کسی کو بے غیرت اور ڈبل شاہ نہیں کہنا چاہیے۔ انہوں نے کہا حکومت کے سارے منصوبے فراڈ ہیں خورشید شاہ نواز شریف سے زیادہ عمران خان کے مخالف ہیں۔