ممبئی(شوبزڈےسک) بالی وڈ اداکار سیف علی خان نے کہا ہے کہ بیٹی سارہ 4 سال کی عمر سے اداکارہ بننا چاہتی تھیں۔بھارتی ذرائع ابلاغ کے مطابق ”کافی ود کرن“کے چیٹ شو میں سیف علی خان نے انکشاف کیا ہے کہ ان کی بیٹی سارہ علی خان 4 سال کی عمر سے ہی اداکارہ بننا چاہتی تھیں۔اداکار نے ایک واقعہ کاذکر کرتے ہو ئے بتایا کہ جب وہ سارہ کے ہمراہ ورلڈ ٹوور پر تھے تو شکاگو میں ایشوریا رائے کےکنسرٹ کے دوران سارہ نے ایشوریا کی اداکاری پر ہجوم کے رد عمل کو دیکھ کر میری طرف دیکھا اور کہا کہ یہ وہ ہے جو میں کرنا چاہتی ہوں۔
،یہ ہی میری دنیا ہے جہاں میں رہنا چاہتی ہوں۔سیف کا کہنا تھا یہ 20 سال پہلے کی بات ہے لیکن سارہ نے اپنا ذہن نہیں بدلا۔
