سنگاپور(شوبزڈیسک)بھارتی اداکارہ انوشکا شرما کا مجسمہ مادام تساﺅ میوزیم کی زینت بنادیا گیا۔انوشکا شرما کا مجسمہ لندن اور دہلی کے بجائے سنگاپور کے مادام تساﺅ میوزیم میں گزشتہ روز رکھ دیا گیا۔بھارتی میڈیا کے مطابق مادام تسا ﺅمیوزیم کی جانب سے جاری کردہ بیان میں کہا گیا ہے کہ انوشکا شرما کا مجسمہ ایک موبائل فون تھامے ہوئے ہے جو آتے جاتے افراد کے ساتھ سیلفی لیتا نظر آئے گا۔یہ پہلا موقع ہے کہ انوشکا شرما کا مجسمہ دنیا کے معروف میوزیم میں سجایا گیا ہے، علاوہ ازیں ان کے مجسمے کو سیاحوں اور مداحوں کے لیے توجہ کا مرکز بنانے کے لیے اسے جدید ٹیکنالوجی کے ساتھ آراستہ کیا گیا ہے۔اداکارہ کی طرح ہنستا مسکراتا دیدہ زیب کپڑے پہنے ہوئے انوشکا شرما کا مجسمہ اس وقت از خود سیلفی لے لیتا ہے، جب کوئی سیاح یا مداح اس کے پاس جاتا ہے۔
اداکارہ کا مجسمہ اس قدر دیدہ زیب بنایا گیا ہے کہ ان میں اصل انوشکا شرما میں فرق کرنا مشکل ہے۔اپنے مجسمے کی تقریب رونمائی کے موقع پر انوشکا شرما بھی مادام تسا میوزیم میں موجود تھیں اور خود اپنے ہی مجسمے کے ساتھ سیلفی کھچواتی نظر آئیں۔
