لاہور(کامرس رپورٹر)سابق لیسکو ملازم اشرف نے مرغزار کالونی پاک پارک میںاپنے ہی محلہ داروں کا جینا حرام کر رکھا ہے ،علاقہ میںسالوں سے بجلی چوری کروا کرماہانہ لاکھوںروپے خرد برد کر رہا ہے۔دومرلہ کے مکانوں کو لاکھ روپے تک بل جبکہ تین تین اے سی استعمال کرنے والوں کو کنڈے ڈال کر دیے ہوئے ہیں،کوئی شکایت کرے تو اس کے خلاف بجلی چوری کی ایف آئی آر درج کروا دیتا ہے،سابق لیسکو ملازم اشرف کے چنگل سے نجات دلوائی جائے،خبریں کی وساطت علاقہ مکینوں کی اعلی حکام سے اپیل۔خبریںٹیم کو دیکھ کر ملزم گھر کا دروازہ کھلا چھوڑ کر فرار ہو گیا۔ سابق لیسکو ملازم اشرف کے گھر سے بجلی چوری کرنے کے کئے استعمال ہونے والے کنڈوںکے سرے خبریں ٹیم نے موقع پر کٹوائے ۔نمائندہ خبریں سے بات کرتے ہوئے عابد حسین،علی حسین،مبشر،علی یاز،توصیف،لئیق،سرفراز اور علاقہ کی خواتین نے بتایا کہ سابق لیسکو ملازم اشرف گزشتہ سات آٹھ سال سے متعلقہ ادارے کی ملی بھگت کے ساتھ علاقہ پراثر جمائے ہوئے ہے اور مختلف اوچھے ہتھکنڈے استعمال کرتے سالوں سے علاقہ مکینوں کو لوٹ رہا ہے۔پاک پارک کے رہائشیوںنے سابق لیسکو ملازم اشرف کی طرف سے خرد برد کی گئی رقم جو کہ میٹر لگوانے ،بل ٹھیک کروانے اور ایف آئی آر کے بغیر بجلی چوری کے عوض اینٹھی گئی رقم واپس دلوانے کا مطالبہ چیف جسٹس سے لیتے ہوئے مزید کہا کہ سابق لیسکو ملازم اشرف علاقہ مکینوں کا ڈرا دھمکا کر لاکھوں روپے بٹور چکا ہے اور آواز اٹھانے پر بجلی چوری کی جھوٹی ایف آئی آر کٹوا دیتا ہے۔سابق لیسکو ملازم اشرف کے ہمسایہ سرفراز نے بتایا کہ اشرف نے مجھ سے اپنے گھر کے پانی کے استعمال کرنے کے لئے بجلی کی تارلی تھی جو کہ بعد میں مجھ پر ہی بجلی چوری کا پرچہ کروا دیا جو کہ سراسر ناانصافی ہے۔ایک بزرگ خاتون نے ضیا شاہد کو اس معاملہ کو اٹھانے اور خبریں ٹیم کو پاک پارک کے علاقہ مکینوں کے مسائل کے حل کے لئے کوریج دینے کا شکریہ ادا کرتے اور چیف ایڈیٹرضیا شاہد کو دعائیں دیتے ہوئے کہا کہ مجھے یقین ہے کہ اب ہمارا دیرینہ مسلہ حل ہوجائے گا۔سابق لیسکو ملازم اشرف پر سات آٹھ سالوں میں کئی مقدمات درج ہوئے لیکن وہ کبھی گرفتار نہیں ہوا،ہمیشہ عبوری ضمانت کروا کربیل کنفرم کروا لیتا ہے جیل تو بے گناہ جاتے ہیں۔ایس ڈی او لیسکو اپنی ٹیم کے ہمراہ موقع پر پہنچ گیا،نمائندہ خبریں کے سوال پر ایس ڈی او متعلقہ علاقہ جاوید نے بتایا کہ ہمارا کام ایف آئی آر درج کروانا ہے جو ہم نے کروا دی ہے،گرفتار کرنا پولیس کا کام ہے ،سابق لیسکو ملازم اشرف نے جو علاقہ پر اپنی دہشت جمائے ہوئے ہے امید ہے کہ پولیس جلد گرفتار کر کے ملزم کو کیفر کردار تک پہنچائے گی۔انچارج انویسٹی گیشن تھانہ ہنجروال غلام رسول نے خبریں کے استفسار پر بتایا کہ ملزم اشرف نے اپنی عبوری ضمانت کروائی ہوئی ہے جیسے ہی ضمانت خارج ہو گی ہم اسے گرفتار کر لیں گے۔
