سنچورین(ویب ڈیسک)جنوبی افریقا کے خلاف سنچورین ٹیسٹ کی دوسری اننگز میں بھی پاکستانی ٹیم 190 رنز پر ڈھیر ہو گئی۔دوسری اننگز میں پاکستان نے اپنی بیٹنگ 42 رنز کی برتری سے شروع کی تو اوپننگ بلے باز فخر زمان صرف 12 رنز پر پویلین لوٹ گئے۔فخر زمان کے جلد آو¿ٹ ہونے کے بعد امام الحق نے شان مسعود کے ساتھ ٹیم کا اسکور آگے بڑھاتے ہوئے نصف سینچری اسکور کی تاہم 57 کے انفرادی اسکور پر امام الحق بھی اولیویئر کی گیند پر بولڈ ہو گئے۔قومی ٹیم کے تجربہ کار بلے باز اظہر علی اور اسد شفیق دوسری اننگز میں بھی خاطر خواہ کارکردگی نہ دکھا سکے، اظہر کھاتا کھولے بغیر ہی پویلین لوٹے جب کہ اسد شفیق صرف 6 رنز ہی بنا سکے۔کپتان سرفراز احمد پہلی اننگز کی طرح دوسری اننگز میں بھی اپنا کھاتا نہ کھول سکے اور سلپ میں آسان کیچ دے کر آو¿ٹ ہوئے جب کہ محمد عامر بھی 12 رنز بنا سکے۔پاکستان کی جانب سے شان مسعود 65 رنز بنا کر نمایاں بلے باز رہے جب کہ حسن علی 11 رنز بنا کر نمایاں بلے باز رہے اور اس طرح پاکستان نے جنوبی افریقا کو جیت کے لیے 149 رنز کا ہدف دیا ہے۔جنوبی افریقا کی جانب سے اولیوئیر نے دوسری اننگز میں بھی شاندار بولنگ کا مظاہرہ کرتے ہوئے 5 کھلاڑیوں کو آو¿ٹ کیا۔
