لاہور(کلچرل رپورٹر)اداکار کرن تعبیرنے فلم میں آئٹم گرل بننے سے انکار کردیا ۔ذرائع نے بتایا ہے کہ کرن تعبیرکو حال ہی میں لاہورسے تعلق رکھنے والی یک نئی کمپنی نے اپنی فلم میں آئٹم گرل بننے کی پیشکش کی جس پر انہوں نے انکار کردیا ۔ ذرائع نے بتایا ہے کہ فلم کا پروڈیوسر اس کےلئے کرن تعبیرکو منہ مانگا معاوضہ بھی دینے کےلئے تیار تھا لیکن اس کے باوجود بھی وہ کام کے لئے راضی نہ ہوئیں۔ اس بارے میں کرن تعبیر کا کہنا ہے کہ میری کبھی بھی یہ خواہش نہیں رہی کہ میں فلموں میں گلیمرس کردارکروں یا صرف آئٹم گرل بنوں۔ میں اچھی فلموں میں بامقصدکردار ضرورکرتی رہوں گی لیکن آئٹم سانگ یا آئٹم گرل بننے کی خواہش نہیں ہے ،جو لوگ مجھے فلموں میں کاسٹ کرنا چاہتے ہیں انہیں چاہیئے کہ مجھے صرف اچھے کردار کی پیشکش ہی کریں۔
