ٹانٹون(ویب ڈیسک) کرکٹ ورلڈکپ کے تیرھویں میچ میں افغانستان کے 173 رنز کے جواب میں نیوزی لینڈ کی بیٹنگ جاری ہے۔ٹانٹون میں کھیلے جارہے میچ میں نیوزی لینڈ کے کپتان کین ولیمسن نے ٹاس جیتا اور فیلڈنگ کو ترجیح دیتے ہوئے افغانستان کو بیٹنگ کرنے کی دعوت دی، کیوی بولرز کی شاندار بولنگ کے سامنے حریف بیٹسمین جم کر نہ کھیل سکے اور پوری ٹیم صرف 172 رنز پر ڈھیر ہوگئی، افغانستان کی جانب سے حشمت اللہ شھیدی 59 رنز بنا کر ٹاپ اسکورر رہے جب کہ حضرت اللہ 34 اور نور علی 31 رنز بنا کر نمایاں رہے۔نیوزی لینڈ کی جانب سے سب سے کامیاب بولر جمی نیشن تھے جنہوں نے 5 وکٹیں حاصل کیں جب کہ فرگوسن نے 4 اور گرینڈہومے نے ایک کھلاڑی کو آﺅٹ کیا۔ایونٹ میں دونوں ٹیموں کا آج اپنا تیسرا میچ کھیل رہی ہیں، کیوی ٹیم 2 میچوں میں کامیابی حاصل کرکے پوائنٹس ٹیبل پر پہلی پوزیشن پر ہے جب کہ افغان ٹیم دونوں میچوں میں شکست کھا کر آخری نمبرپر ہے۔
