دنیا کا پہلا آل اسکرین اسمارٹ فون ڈیزائن سامنے آگیا

(ویب ڈیسک)اس وقت تمام اسمارٹ فونز کا ڈیزائن لگ بھگ ایک جیسا ہوتا ہے اور ڈسپلے میں اسکرین ٹو باڈی ریشو بھی سو فیصد تک نہیں سکا ہے، کیونکہ نوچ یا دیگر سنسرز کی وجہ سے بیزل دینے پڑتے ہیں۔مگر ا ایک چینی کمپنی نے اس کا حل ڈھونڈ نکالا ہے اور اسے توقع ہے کہ اس کی بدولت وہ فون کی اسکرین کو بیزل سے مکمل پاک کرسکے گی۔ٹوئٹر صارف آئس یونیورس نے چینی کمپنی ویوو کے نئے کانسیپٹ فون نیکس 3 کے فرنٹ اور بیک کے گلاس کی تصویر شیئر کی ہے جس میں ایجز 90 ڈگری تک موجود ہیں۔اس سے پہلے ویوو نیکس میں متاثر کن 91.24 فیصد اسکرین ٹو باڈی ریشو دیا گیا تھا جبکہ نیکس 2 میں بیزل کو اور کم کیا گیا تھا۔مگر ویوو نیکس 3 میں ہول اور نوچ کو ختم کرکے وارپ رآنڈ گلاس کا استعمال کیا جائے گا اور امکان ہے کہ اسکرین ٹو باڈی ریشو 100 فیصد ہوجائے گا۔ابھی اس فون کی دیگر تفصیلات سامنے نہیں آئیں اور نہ ہی کمپنی نے اس کی تیاری کا عندیہ دیا ہے۔ابھی یہ بھی واضح نہیں کہ اس میں سیلفی کیمرا پوپ اپ شکل میں دیا جائے گا یا اسکرین کے اندر نصب کردیا جائے گا۔